حول قيمة الحرية يا طه جعفر ...

Quote: قطعياً تجدني اقف ووفق قناعة كاملة مع حرية الانسان المطلقة واؤمن بعلوية الانسان وانه جدير بفتح آفاق ارحب لحياة كريمة ومما لاشك فيه انني مع الحرية بلا سقوف

بالجد يا الرفاعي زي ما قلت ليك انت فتحت موضوع اكبر من توقعاتك ليهو ,
مسالة الاسلام السوداني دي زاتا خشم بيوت , تاخد بياتو قيم سودانية مع السودان الممتد وواسع وقبائله المتباينة دي ؟ في السودان الحالي دا في قبايل بتفطر بي مريسة ودي من قيمها ومعتقداتا في قبائل بتؤمن بالخطف كوسيلة للتزاوج وانشاء الاسرة ودي من صميم قيمها الشايفة انها قيم جميلة والعادت كتيرة جدا والقيم متوفرة في السودان والتناقض بينها حاصل جدا وواقع معاش عشاان كدا انا اصر وارجع واقول مافي حاجة اسمها اسلام سوداني وبعتبر انه دا كلام مجاني زي ما قلت
كلام كبر وطه كلام واضح جدا ومافيهو التفاف ممكن اختلف معاه شكلا ومضمونا لكن لانه واضح وجلي ومافيهو خط رجعة لي ورا يظل راي محترم جدا ومقدر جدا بل ومعقول جدا
تصدق يا الرفاعي لم اجد موقفا مشابها لكلامك المجاني اعلاه الا الدستور الحاكم السودان الان بتاع الانقاذ والماسك العصاية من النص لا قادر يطبق اسلام لا قادر يطبق علمانية لانه حاول يزاوج بينهم
لما اقرأ فقرات الدستور دا وارجع اقرأ كلامك في البداية بلقي انك تقريبا زي الارتكزت علي الدستور االمرجع البلد لي ورا وقلت كلامك لطه جعفر
هاك راجع دستور السودان وراجع مداخلاتك الاولي لو قدرت تفرز نكون نصيين زي ما بتقول

1ـ (1) جمهورية السودان دولة مستقلة ذات سيادة، وهى دولة ديمقراطية لا مركزية تتعدد فيها الثقافات واللغات وتتعايش فيها العناصر والأعراق والأديان.

(2) تلتزم الدولة باحترام وترقية الكرامة الإنسانية، وتُؤسس على العدالة والمساواة والارتقاء بحقوق الإنسان وحرياته الأساسية وتتيح التعددية الحزبية.

(3) السودان وطن واحد جامع تكون فيه الأديان والثقافات مصدر قوة وتوافق وإلهام.


المبادئ الأساسية للدستور

4ـ يُؤسس هذا الدستور على المبادئ التالية ويسترشد بها:ـ

(أ) تُؤسس وحدة السودان على الإرادة الحُرة لشعبه وسيادة حكم القانون والحكم الديمقراطي اللامركزي والمساءلة والمساواة والاحترام والعدالة،


(ب) الأديان والمعتقدات والتقاليد والأعراف هي مصدر القوة المعنوية والإلهام للشعب السوداني،

(ج) التنوع الثقافي والاجتماعي للشعب السوداني هو أساس التماسك القومي، ولا يجوز استغلاله لإحداث الفرقة،


مصادر التشريع


5ـ (1) تكون الشـريعة الإسلامية والإجماع مصدراً للتشـريعات التي تُسن على المستوي القومي

(2) يكون التوافق الشعبي وقيم وأعراف الشعب السوداني وتقاليده ومعتقداته الدينية التي تأخذ في الاعتبار التنوع في السودان، مصدراً للتشريعات التي تُسن على المستوي القومي

7ـ (1) تكون المواطنة أساس الحقوق المتساوية والواجبات لكل السودانيين.

شفت االنقاط الملونة دي انا ما شايف اي فرق بينها وبين الاسلام السوداني البتقول عليهو , الناس ديل لا قادرين يقولوا شريعة صريحة ولا عادات وتقاليد عرفية صريحة ولا علمانية صريحة وجايبين من كل بستان زهرة عشان كدا الوضع هو ما عليه الان في السودان هوس زي ما بتقول ومظالم وتعديات وامور جايطة خالص لانهم ما قالوا علمانية صريحة ولا اسلامية صريحة

"عن النصيين في المنبر"