هيثم طه !!!

Quote: هو ليس بصاحب الراي الهجومي ، إنماهو مساعد حواري، يقابل أفكار الناس المختلفة ليكشف قوتها، يعري الحجج ليكشف عمقها إنه يساعدني و يا للعجب لآفهم آرائي بطريقة أعمق

وعموما بيخيّل لي إنو المشكلة و الفلسفة الغائيةفي كتير من حواراتنا ما قاعدة تكون للـ(empowering ) للاخرين و إنما غالبا بحثا "لتحقيق ذواتنا" واسترداد خفي لكرامتنا المهدرة من تربيتنا و"السلطات" القاهرة الكتيرة الانتقصت من إنسانيتنا و ربما عشان كدة بنحاول نسترد الحاجات دي و بنمارس سلطة خفية تحت
حجة الحوار و رفع الوعي !!
و بمعني آخر لامن نحن نجي "نتحاور" مع الاخر -غالبا لا نحاول ان نكتشف النقطة القوية عند الخصم عشان نعمل
عليها (highlight) و انما العكس دائما -بنفتش للنقطة الضعيفة عشان نمارس نوع من القهر والاقصاء
وبدل نكتشف للناس الحاجات الكويسة او الجمال العندهم ونساعدهم (to feel good about themselves ) -لا لا - نجتهد عشان نكتشف ليهم اسوأ ما عندهم و مرات نخترع ليهم أقبح ما عندنا و نأكد ليهم إنهم مليئين بالقبح !
وبالتأكيد بكلامي ما بطعن في أهمية "النقد" لو في حاجة بتستحق النقد في نظر الزول لكن بتكلم في طريقة النقد والهدف
ومثلا ممكن أخش في حوار مع آخر بحجة رفع الوعي و في نفس الوقت أعايرو بأنو هو جاهل و ما متعلم !! عليك الله دي
مش مفارقة غريبة !
في الأول نقهرو ونحرجو و نضعف موقفو عشان تسهل السيطرة بعد داك نرفع في وعيو بشروطنا !! محن !
وهنا بتتفضح القيمة او المأرب الحقيقي لادعاءاتنا للرسالة البنقولها !
ودا قصدي بكلامي عن مشكلة كتير من حواراتنا بكون عن "تحقيق الذات " ومحاولة "استرداد الكرامة
المفقودة" اصلا وليس الـ(empowering) للاخر كما ندعي !

بالتأكيد لا حاجة لي للقول إنو أنا بتكلم عن الغالب الأعم في "حواراتنا " ومساجلاتنا و ليس كل الحالات !

تحياتي يا حبيب

--
ومن ثم وين الصديق ابوالطيب في الونسة دي
ويا رشا كلامنا دا ونسة اصدقاء ما كرسي ساخن

(عدل بواسطة هيثم طه on 06-03-2012, 03:28 PM)
(عدل بواسطة هيثم طه on 06-03-2012, 06:45 PM)