حوار مع الاخت تراجي مصطفي والاخ محمد سليمان

Quote: - أهم حاجة ..ديل الفي الخرطوم هم تحت سيطرتنا .. تحت الكنترول ... بنستفيد منهم في إختراق الحركات الاخري البتحاربنا في الميدان ... و شعبة القبائل تعرف بالضبط كيف تستقي منهم المعلومات العامة و الخاصة .. طبيعة التكوين لهذه الحركات ... القبائل و خشوم البيوت التي تستند عليها .... و ديل بيساعدونا في فك الشيفرات اللغوية البيخاطبوا بها الحركات الفي الميدان ... فنحن ننتبع كل محادثاتهم التلفونية ... و أهم حاجة الونسات في المناسبات .. و بينقلوا لينا أدق التفاصيل عن أحوال البلد هناك و كلام الناس هناك .. عن الحكومة و عن الحركات و عن القيادات ... و بواسطة هؤلاء الفي الخرطوم نحن بنصدر المعلومات المضادة بلهجاتهم و بواسطة شبكات ديل ساعدونا في إقامتها هناك .. و بواسطة ديل و تعاونهم مع أجهزتنا الامنية قدرنا نتخلل المجتمعات القبلية هناك و قيادات الحركات المسلحة في العواصم الافريقية و في الميدان .... شوف ... نحن سهّلنا للكثير منهم في الخرطوم أن يمتلكوا نعيم الدنيا .. العربات و البيوت و الزيجات و المكانة الإجتماعية ... ده التمن ... و عشان هم يحافظوا علي ده كلّوا ... ديل مستعدين يعملوا لينا أي حاجة .... و نحن بنعرف كيف نتعامل معهم بذكاء. - الفي الخرطوم ديل .. تعليماتنا واضحة ليهم .... ممكن تهيصوا زي ما دايرين .... بس هناك خطوط حمرا ...... المحكمة الجنائية أكبر خط أحمر .... إنتقاد الحكومة بتسمية المسؤولين ما معانا ..... يعني أرعوا بقيدكم .... و ما تتدخلوا في شغل أجهزة الأمن أو الولاة المقربون ... نحن لما نقنع من والي .. بنجدعوا ليكم عضم .. كدّوهو . - الأولوية لنا هي أن يتعاونوا معنا في تدمير الحركات المسلحة التي تقاتلنا في الميدان. ..... أولئك هم الخطر الأكبر لنا و لوجودنا.