|
|
 Re: نداء عاجل للأستاذ: أحمد البلال الطيب (Re: ASHRAF MUSTAFA)
|
دينق.. يا حليلك يا النايم على حيلك.. كلامك ده تقولوا لزول دقوس كان عنده حديدة وإتسرقت منو.. التاريخ البتتكلم عنه ده انتو حرفتوه وكضبتوا فيهو وخليتوا الناس يتكلموا عن ضحاياكم بس,, وين ضحايانا من القوات المسلحة؟ الملايين الإستشهدوا ديل مش قتلتهم الحركة الشعبية الانت بتدافع عنها دي؟ بعدين انت طالما بتدافع عن الحركة الشعبية معناها انت كوز...آي كوز جنوبي لأنو سلفا وجماعته ديل كانوا كيزان لمن كانوا في الحكم في الخرطوم وحسي كيزان لأنهم مضطهدين شعبهم وحارمنه من الحياة الكريمة ورغد العيش,, بعدين الخلى الجيش السوداني يدمر البنية التحتية للجنوب شنو؟؟ انتو بتحاربوا عمركم ده كله في الغابات عشان شنو؟ عشان تقولوا نحنا مضطهدين ومظلومين وبطيخ وبعاملونا درحة سادسة ولا سابعة؟ حسي لو كان في رئيس غير البشير كنتو إتفصلتوا؟ قلتوا عايزين الوحدة الجاذبة وادوكم ليها ووضعكم اتحسن بصورة ملفتة للإنتباه في ظل حكومة البشير الذي تشتمه ليل نهار وكل اعضاء الحركة يدخلوا في المطار ببوابة الVIP واحترامات لا حصر لها وفلل لناس الحركة لا يستحقونها منها فيلا باقان التي وجدوا فيها ما وجدوا من اعمال اجرامية ومخططات كانوا يعدون لها في العاصمة,,, الجنوبيين كشعب ما عندهم مشكلة معانا ولا نحن عندنا مشكلة معاهم بل بالعكس عاشرناهم في العمارات ناس طيبين,,, لكن الحركة الشعبية فرع الجنوب انا قرفان منها جدا وزعلان على كل الامتيازات التي اخذتها في الخرطوم عشان كده بنادي بعدم التفاوض معها لا في حريات اربعة لا في نفط ولا يحزنون لأنها اثبتت لي انها بعد نضالها الطويل لأخذ حقوقها او حقوق شعبها الا انها لم تكن مستعدة لحكم الجنوب بل وعاجزة تماما,,,ونحن تحدثنا في هذا المنبر حنى بح صوتنا برفضنا للإنفصال ورفضنا لتقسيم البلاد
,,, لكن الان انا اصبحت مؤمن بان الحركة الشعبية لا يجب التفاوض معها نهائيا وكذلك الشعبية فرع الشمال,,, ياخ انتو تقولوا عايزين تنفصلوا وتمشوا تخلوا حركة شعبية في الشمال بعد اتفاق نيفاشا الذي نفذه الشمال بالحرف وكمان تدعموهم؟ شوف يا دينق..بطل الإستهبال البتعمل فيه ده, وما تجعل من نفسك أضحوكة للغاشي والماشي لدرجة انو الناس ضحكت عليك لمن إتكسر ليها طقم,,,وبقيت مسيخ ومسخرة لمعظم الاعضاء في المنبر ده ومعلوماتك التافــهة والمضللة التي تروج لها في المنبر لا يستسيغها معظم الاعضاء هنا ولا يصدقونها, بعدين لو هجليج دي جنوبية زي ما بتقول ليه دمرتوا منشئاتها النفطية؟ أووووووعك تجي تقول لي ده الجيش السوداني الدمرها,,, انت يا دينق ما بتخوف ليك زول في المنبر ده لكن الواحد بحاول يكون دبلوماسي معاك قدر ما ربنا يقدره, بعدين تعال انت عايز تدافع عن حكومتك وبلدك زي ما داير وتجي تتفاصح معاي هنا لمن ادافع عن بلدي؟؟ الشي حقارة ولا شنو؟ يعني ما حصل سألتك انت بتهبب في شنو وتدافع عن بلدك بكل استماتة وتجي تنقي للناس كلامها عشان ما تزعل؟ انت الله ما ليك ولا شنو؟؟؟انا ادافع عن وطني غصبا عن عين اتخن زول وما بسمح ليك ولا غيرك تتدخل في شئوني بلا كلامك مضحكة بلا اراقوز انت خليني اكتب وخلي الناس تحكم مش تجي تملي علي الكلام وتقول لي الناس بتشوفك كده,,, انا هنا ما بكتب عشان الناس تشوف انا وطني ولا غيور ولكن اكتب عن الوطن كيفما اشاء اذا تعرض لاي مكروه,,, بعدين انا شايف الدول الحولي بتدافع كيف عن امنها وعن وطنها وممكن تمشي لأبعد مكان تحارب لو ظنت ساي انو الحرب ممكن تجيها في بلدها مستقبلآ,,, عشان كده انا بشوف حكومة الجنوب عدوة للوطن ويجب عدم التعاون معها أوالتفاوض معها وعدم تمرير نفطها وايقاف الحريات الاربعة حتى تتغير, بعدين انا شايفك انت كاره السودان واهله وثرواته وتتمنى ان يتدمر ويتحرق وما يضوق أم أو سلام أبدآ, حسي ده كلام تجي تخمني بيه تقول لي عشان الجيش السوداني عمل لينا في الماضي ودمر قرانا وأبادنا؟؟!! معقولة؟؟؟ ليه الغدر بعد السلام والمحبة؟ أرجوا أن ترعوي يا دينق وتبطل حقد وغل في قلبك لانني اراك كاره لذاتك وذات ذاتك وذات ذات ذاتك!!!
|
|
  
|
|
|
|
ASHRAF MUSTAFA
فيس بوك
تويتر
انستقرام
يوتيوب
بنتيريست