سلفا إستيوبيد أم سلفا تخبط! الناس لو قالوا انقلاب ليهم حق!

Quote: النخبة الشمالية يا عزيزي تعتقد اعتقادا جازما كالجبال الراسيات بانها هي السودان والسودان هي، واي زول برة منهم يحاول يتكلم عن مصير البلد فالويل له. فهو اما عميل، عنصري، حاقد،او بليد كما في اصرار اخونا جني علي وصف سلفاكير وتكراره الممل للمفردة حد الاشمئزاز. البشير في حديثه الاخير قال انو الجماعة ديل(يقصد الجنوبيين) ما بعرفوا بفكروا-بعد ما طلعنا ليهم البترول وسلمناه ليهو- عشان كدا لازم يعتمدوا علي الخواجات علي عشان يفكروا ليهم. طبعا هو (البشير) لا ينطق عن الهوي وانما يعبر عن نظرة وفهم سائد لدي الشماليين عن الجنوبيين وهو انهم اغبياء ولا يمكن ان يرتقوا لمستوي الشمالين في التفكير. كلمات جني -سوي صدرت منه بوعي او بدونه- لا تخرج من هذا السياق العام بتاع ال main stream في الشمال..فالحكاية هي حكاية عقلية جمعية قديمة وشائهة ترسخت في العقول ولا تري في الاخرين الا انصاف بشر. كل الكلمات التي رددها البشير في خطابه بمناسبة "تحرير هجليج" عن الجنوبيين وجدت القبول والاستحسان والرواج عند الشماليين واحزابهم. وهل وجدتم من استنكر ذلك في بيان او غيره؟ فقط تمعنوا في مغزي الكاريكاتور الذي عرضته قناة الشروق وفيه يسأل احد المواطنيين الشماليين صاحب المتجر عن بف باف وعينه علي الجنوبي الذي يقف بجواره!! فالرجل وصف اعداءه بالحشرات وقال انهم ما بنفع معاهم الا العصا..دا (وصف جعلي حر ود بلد) لمن يعتبرهم عبيد حتي بعد ان نالوا استقلالهم في دولة ذات سيادة. انا اتفهم جيدا حنق السياسي الجنوبي العتيق الذي قال فيما قال: لو كنت شمالي جلابي لانتحرت..