العثور على المغترب السوداني بالقاهرة فاقدا للذاكرة

Quote: تحياتى لكم جميعا , وحمدلله على سلامة أخونا وبركة الوصل لاهله سالم. لكم لو سمحتو لى أدلو بهذه الاختراح لذويه:- أولا زول من اهله يسافر الى الغردقة ويعرف من صاحب السوبر ماركت كل تفاصيل وكيفية وصول هذا الرجل اليه.بس دى عاوزة زول حصيف عشان برضو ما يدخل فى مشكلة مع الجانى ( اذا كان هناك جانى من الأساس) ويحاول يجمع معلومات بقدر الامكان لمعرفة ما اذا كان هنالك شخص من الكانوا موجودين بالباخرة قد يكون هو من أوصله للسوبرماركت. احتمال يكون قد تعرض لعملية نهب وسرقة من بعض من كانوا معه بالباخرة أو غيرهم ! وقد يوجد خيط يوصل اليهم . قد يكون تعرض لعملية خطف ( برضو جائز فى أم الدنيا ) أو ضرب فى الرأس أو نوع من التعذيب أو معاملة سيئة كانت مفاجئة أدت الى احباط مما أفضى الى فقدان الذاكرة . برضو جائز. وأنا أفتكر حتى الطبيب عشان يقدر يعالجه محتاج الى خيط يوصل الى السبب. وقد يكون الخيط مجرد معلومة صغيرة تفيد الطبيب فى تحديد كيفية ونوع العلاج. وأتمنى له الصحة وربنا يعيد له ذاكرته بسرعة ان شاء الله.