|
Re: محطات النجوم ... الكابتن عصمت الامتداد (Re: وليد عبد اللطيف)
|
وكان هذا السؤال من الكابتن الانيق على دبلوك لاعب حي العرب الكابتن عصمت اذا عاد بك الزمن الي الوراء وخييروك بين الانديه السودانيه في اي نادي تلعب ولماذا ؟ وقال الكابتن عصمت
Quote: فاجاني الاخ وليد بهذا البوست ولكن لن نتعزر وندي الجماعة فرصة الجماعة البقوقلو لعيبة الكورة ما متعلمين وفكرهم ضحل ومابفهمو حتي اللقاءت بتجيهم جاهزة . وشكرا كتير نجم الارتكاز دبلكة . بس ياوليد نرد هنا ولا ننتظر تفعيل الرابط عموما نحن جاهزين اخي دبلكة انا والله كنت من اشد المعجبين بالهلال وكان فريقي المفضل انذاك لكن حصلت بعض الامور كرهتني في الهلال فازكر مرة انو في اداري من الهلال اسمو عقيد ومعاه شخص اخر اسمو التاج اتصلو بي للعب باشبال الهلال وفعلا بعد المدرسة مباشرة جاء الاخو...ين وذهبنا الي نادي الهلا ل وساعتها كان الفريق بتمرن داخل الاستاد دفعة معني وعثمان الفاضل وواحد اسمو جكسا وعبد السلام وبدر الدين حسان المهم كان مدرب الاشبال الاخ عبد الله موسي ونسبة لاننا مجموعة جيئنا للاختبار فضل العم شبشة انو ما نلبس لبس الفريق وبقي كل بلباسه واذكر كنت البس فنيلة خضراء وشورت ابيض وشراب اخضر . ونحن داخلين علي الملعب بمعية الادرين افاجا بعبدالله موسي وبتريقة شديدة يقول لي دا شنو دا جبتوه من وين دا امشي امشي غير لبسك دا وبعدين تعال . فاجابه التاج انو مافي لبس قال ليه خلاص يمشي المهم بعد اقناع سالني بتلعب شنو ؟ اجبت لاعب وسط ضحك بترييقة وقال السودان كلو لعيبة وسط . المهم تمرنا وكنت من احسن المتمرنين بل واحرزت هدف ووجدت الاشادة من الكل واولهم الكوتش نفسه وقال لي بكرة لازم تجيب شهادة الميلاد فرددت له قايلا انا ما جاي بكرة وماعايز العب في الهلال . وساعتها قررت عدم اللعب للهلال ولو وزنوني بمال قارون وبعد 6 شهور لعبت السنتر ليق وبعدها وقعت للموردة عن قناعة لكن لوجاني المريخ اكيد كنت سجلت حنقا علي موسي في ذاك الوقت . لذلك كانت افضل مبارياتي ضد الهلال واحرزت ضدهم 6 اهداف . |
|
|
|
|
|
|
|
العنوان |
الكاتب |
Date |
محطات النجوم ... الكابتن عصمت الامتداد | وليد عبد اللطيف | 04-03-12, 09:25 AM |
Re: محطات النجوم ... الكابتن عصمت الامتداد | وليد عبد اللطيف | 04-04-12, 07:01 AM |
Re: محطات النجوم ... الكابتن عصمت الامتداد | khaleel | 04-04-12, 07:07 AM |
Re: محطات النجوم ... الكابتن عصمت الامتداد | شهاب الفاتح عثمان | 04-04-12, 07:22 AM |
Re: محطات النجوم ... الكابتن عصمت الامتداد | omer osman | 04-04-12, 07:31 AM |
Re: محطات النجوم ... الكابتن عصمت الامتداد | د.يوسف محمد طاهر | 04-04-12, 08:47 AM |
Re: محطات النجوم ... الكابتن عصمت الامتداد | ibrahim alnimma | 04-04-12, 09:06 AM |
Re: محطات النجوم ... الكابتن عصمت الامتداد | وليد عبد اللطيف | 04-05-12, 06:39 AM |
Re: محطات النجوم ... الكابتن عصمت الامتداد | خالد حامد الجزولي | 04-05-12, 09:12 PM |
Re: محطات النجوم ... الكابتن عصمت الامتداد | Magdi Algorashi | 04-05-12, 10:48 PM |
Re: محطات النجوم ... الكابتن عصمت الامتداد | مجدي كنة | 04-06-12, 09:44 AM |
Re: محطات النجوم ... الكابتن عصمت الامتداد | omar arbab | 04-07-12, 10:14 AM |
Re: محطات النجوم ... الكابتن عصمت الامتداد | عماد شمت | 04-07-12, 01:46 PM |
Re: محطات النجوم ... الكابتن عصمت الامتداد | طارق جبريل | 04-07-12, 02:07 PM |
Re: محطات النجوم ... الكابتن عصمت الامتداد | عبدالله كع | 04-07-12, 03:16 PM |
Re: محطات النجوم ... الكابتن عصمت الامتداد | Azhari Mohamed | 04-07-12, 03:48 PM |
Re: محطات النجوم ... الكابتن عصمت الامتداد | طارق جبريل | 04-07-12, 10:32 PM |
|
|
|