بوست حول الحزب الليبرالي السوداني، تاريخ تأسيسه، ومعرفة أعضائه بالمنبر

Quote: ممتاز يا مجيد . هذا ما أردنا قوله؛ ما لله ف لله وما لقيصر فهو لقيصر . أخي عبد المجيد مسؤول عن آراءه وأقواله طالما كانت هي تعبّر عن وِجهة نظره الشخصية حالما يخلع عباءة الحزب الليبرالي . مستحيل ما تطلبونه من مجيد !!! هل تريدون منه أن يظل مرتدياً هذه العباءة في البيت والشارع والمسرح ؟ يعني عبد المجيد لو كان عندو مزاج في عشرة ونسة ما الفِرَد في الضل واللا في النادي لازم يعني يتونس عن الخطة الخمسية للحزب الليبرالي في العشرة أعوام القادمة ؟؟؟ يعني لازم الزول تخنقوه كده لغاية ما يفطس ؟ بمعني كلامك ده يا ( عبد العزيز ) إنت كنت متخيل سيدنا النبي لمن يخش أوضتو كان بتناقش مع زوجاتو في خطبة الجمعة القادمة ! بل وأنجب منهن عن طريق الوحي ! ويحكم كيف تحكمون ؟؟ . ولماذا نذهب بعيدا . أنا شخصياً أكاد أكون معروفاً بأني مارق للريبا والتلاف؛ ولكن في حدود حياتي الخاصة التي لا تحدّها السبعة وذمّتها؛ وإسفيرياً الكل متفق علي صعلكتي؛ أها في زول لاقاك قال ليك حبيب نورة قليل أدب ؟ أنصح بالإنضباط الحواري فهو مفيد جداً جداً . وكذلك أنصح بعدم ترحيل الخلافات وإلباسها جلاليب لا تناسب ذوقها ولا مقاسها . أختلف معي هناك؛ ولكن لماذا لا تتفق معي هنا ؟ ما يبقي ركوب راس والسلام يا جماعة ! لو قلت ليك أنا بكره المريسة ف ده ما بعني إني ما ممكن أكون عضو في رابطة محبي العرَقي . وما تجيني تقول لي ما ده حرام وداك حرام ! أنا هسه قلت ليك تعال أشرب ؟؟؟؟ ( تشرب السم ياخ :) ) . يا جماعة ده حزب بقبل الكل . برحب بالجميع . فقط هنالك دستور واحد وحق مكفول للجميع وكذلك واجبات علي الجميع تنفيذها بعد (((( الإتفاق )))) عليها . والخلاف بعد ذلك سيصبح خرق واضح وصريح والمتضرر منه الوحيد هو المجتمع . ده حزب همو كلو الناس ديل؛ ياكلوا كيف؛ يشربوا كيف؛ يتناسلوا كيف؛ يعيشوا كيف؛ والأهم من ده كلو يحترموا بعض كيف !!! أها منو البقدر يغالطني هسه ويقول لي في دستور إسلامي أو علماني أو أو أو أو بقدر يخليني إنسان زي دستور ومبادئ الحزب الليبرالي ؟؟؟ تصحبنا الأخطاء طيلة حياتنا؛ ولكن الفكرة الليبرالية هي الخطوة الأولي في مسيرة التصحيح . ( منفستو عديل بصريح العبارة ) ! وكونك لم تكن لبرالي ليست هنالك مشكلة؛ ولكن المشكلة أن لاتصبح لبرالي . ( منفستو دغري أمو بت أعم أبوه ) ! . نسيت أن أرحب بصاحب الملف أخي الحبيب النزير ولكم جميعاً الشكر وحاجات كويسة كتيرة . حبيب نورة الحزب الليبرالي الجناح الليفت . التعديل بسبب بشتنة كده عابرة :)