|
Re: (جُثمان) عديل كدة يا قدّال...؟؟! (Re: Ahmed musa)
|
أخي أحمد
تحياتي ومودتي ،
أعزيك ونفسي وكل الأحباب في رحيل الإنسان الوطن .. الإنسان الأمة .. الإنسان الأنموذج للسوداني القح في أنضر وأبهى صوره .. أخونا الراحل حميد .
ولا أجد أبلغ ولا أقوى من تلك الأبيات الخالدة من عميق الشعر السوداني في الرثاء والتي جادت بها قريحة شاعرنا النحرير المهاجر ، د. ود بادي وهو يرثى أباه الروحي ، سماعين حسن (ود حدالزين): وما أشبه الليلة بالبارحة :
أرمى الدمعة فوق الدمعتين يا عين
و بعد الليلة حابساها الدموع لي مين!!!!
نزيف الدنيا من حد البلد غربى ..
نزيف الدنيا لى حدالبلد شرقى..
وجوم..عم الليالى العامرة..
كل الدنيا خاتة الخمسة فوق اتنين..
رحيلك وجعة يا اسماااااعين..
رحيلك نجعة.. من دار الفرح و الزين
رحيلك طعنة فى لهاة الحبى دريفين..
رحيلك رجعة.. فوق درب العليك باكيين
فيها نهاية المشوار..
و حد الفرحة و الآمال..
و حد الفال و حد الزين..
أرمى الدمعة فوق الدمعتين يا عين
و بعد الليلة حابساها الدموع لي مين!!!!
بعد نزلت سكاكين القدر مسنونة.. ديل فوق ديل..
و شربت من بواكير المعتق..
حالتو يا الداسنو من السيل..
و يا المخزون حرابنا متكلات قدامو..
و فوقو مشنكتات الخيل..
و يا الداخرنو من زمن التسامح..
شفعنا رابطين الحبل بالتيل
و فجأة ..يجينا غراب هابيل..
و يبقى رحيل!!!!!!!
رحيل كل الغيوم الهااااامعة متواترات..
رحيل كل السهول العااااامرة بالخيرات..
رحيل الطينة من طرف الجزر يومااااات..
رحيل الخضرة قدام منجل الهدام جفاف و ممات..
رحيل البادية فوق برقا ورا نجيمااااات..
رحيلك ..ما رحيل ابيااااات..
رحيل اجيال..
رحيل بلدا تمام و كمااااال..
رحيل كل الغيوم الهااااامعة متواترات..
رحيل كل السهول العااااامرة بالخيرات..
رحيل الطينة من طرف الجزر يومااااات..
رحيل الخضرة قدام منجل الهدام جفاف و ممات..
رحيل البادية فوق برقا ورا نجيمااااات..
رحيلك ..ما رحيل ابيااااات..
رحيل اجيال..رحيل بلدا تمام و كمااااال..
رحم الله حميد وأسكنه فسيح جناته مع الصديقين والشهداء والصالحين وحسن أولئك رفيقا .
وإنا لله وإنا إليه راجعون ، ولا حول ولا قوة إلا بالله .
( ليمو )
|
|
|
|
|
|
|
العنوان |
الكاتب |
Date |
(جُثمان) عديل كدة يا قدّال...؟؟! | Ahmed musa | 03-23-12, 08:42 PM |
Re: (جُثمان) عديل كدة يا قدّال...؟؟! | Ahmed musa | 03-23-12, 08:49 PM |
Re: (جُثمان) عديل كدة يا قدّال...؟؟! | Ahmed musa | 03-24-12, 01:56 PM |
Re: (جُثمان) عديل كدة يا قدّال...؟؟! | باسط المكي | 03-24-12, 02:06 PM |
Re: (جُثمان) عديل كدة يا قدّال...؟؟! | Ahmed musa | 03-26-12, 05:50 AM |
Re: (جُثمان) عديل كدة يا قدّال...؟؟! | abdulhalim altilib | 03-26-12, 06:12 AM |
Re: (جُثمان) عديل كدة يا قدّال...؟؟! | Ahmed musa | 03-26-12, 03:23 PM |
Re: (جُثمان) عديل كدة يا قدّال...؟؟! | Ahmed musa | 03-26-12, 03:51 PM |
Re: (جُثمان) عديل كدة يا قدّال...؟؟! | Ahmed musa | 03-28-12, 06:54 PM |
Re: (جُثمان) عديل كدة يا قدّال...؟؟! | Ahmed musa | 03-29-12, 10:58 AM |
|
|
|