العمل العام السوداني بين التسييس و البخل : المركز السوداني بشيكاغو

Quote: الاخ اسامة الفضل نصيحتى لكم فى شيكاغو حاولو تسجيل جالية باسم جديد تفاديآ لهذا العراك ومن خلال اطلاعي على ملف التسجيل بتاع المنظمة بتاعت المركز السوداني فى شيكاغو انها مسجلة كا كوربريشن يعنى مفتوحة لكل الناس فقط ما عارف الاهداف وهذا هو الشئ المهم البحكم عمل المنظمة ف النهاية اما ورود اسماء كاسم الرئيس والسكرتير اعتقد انكم فى فورم التسجيل بعطيك عدة خيارات منها انها شركة مساهمة وهلم جر وانتم اخترتم خيار الضباط التلاتة ولابد من توقيعاتهم اما مسألة تقيير الضباط الثلاثة فهذا حق قانونى حسب قانون المنظمات اذا ما البورد بتاع المنظمة اجتمع او الجمعية العمومية فيمكنهم تقيير الضباط الثلاثة ومخاطبة السلطات المختصة لعمل ابديت لذلك وعلى فكرة المنظمة بتكون محكومة بالاهداف التى تمت صياغتها فى خطاب الاهداف الذى هناك نسخة مودعة منه فى مكتب السلطات بتاعت المدينة والولاية وفى حالة المنظمة تريد التعاون مع السودان مثلآ فى ان ترسل دعم لاي منظمات فى السودان غير المنظمات التابعة للحكومة ممكن ايضآ فقط بتعمل فايلنغ لفورم اسمو OFAC Document وممكن تعمل حاجة اسمها اكسام تصريح يسمح لك بالتعامل مع الدول التى توضع فى قائمة وزارة الخزانة الامريكية الممنوع التعامل معها وهم سوف يعطوك كل الشروط للتوقيع عليها واخز الاذن فى قاية السهولة فقط يمنع التعامل مع اي مؤسسات حكومية بعدين قوانيين المنظمات بختلف من مدينة لاخرى مثلآ بعض المدن تشترط انو المنظمة لازم يوجد لها عنوان فى المدين فمثلآ مدينة سان فرانسيسكو لا يشترطون انو العنوان لازم يكون فى مدينة سان فرانسيسكو فقط بتحضر فورم او استمارة اسمها Home Occupation Permit من المدينة الموجود فيها عنوان المنظمة فوصيتى لكم اخى اسامة اشرعو فى تكوين جاليو حتى ولو بخمسة اشخاص وفى النهاية سوف تصلو للهدف المنشود اعمل ليك كونفرنس كول مع مجموعة من الاشخاص الذين ترى انهم حادبين على مصلحة الجالية ولو دايرين اي مساعدة اتصل علي نحن على اتمة الاستعداد وعلى فكرة من اسي بقول ليك العمل العام ما ساهل فيهو تضحيات جسام لابد ان يكون جسمك خشن انا واحد من الناس دفعت التمن غالي دخلت السجن هنا فى امريكا بوشايات اننى كوز واننى ادعم السفارة ولكن هذا لا يثنينا وزى ما قال القذافي " انا مناضل وثائر من الصحراء من البادية" فعشان كدة اركزو وبعدين اي انسان عندو نقد او بفتكر انو هو الصح يجيب البديل عشان نسمي الاشياء بمسمياتها و عشان ما ابقى نقاش ودق حنك هنا فى المنبر خالص شكري وتقديري للجميع والعغو والعافية يا جماعة دى اخر مداخلة لي هنا وهدفي الوحيد كان هو ان ابدي راي وتجربتى من خلال عملي فى جالية كاليفورنيا. ودى قائمة الاشخاص والدول الممنوع التعامل معها ما اعتقد فيها اسم اخونا ابازر عمر مع شكري وتقديري للجميع