البيت السوداني - هولندا

Quote: سلامات ود فع لله عبد العزيز خطاب دا مش هو العملوا ليه ناس قوات التحالف مؤتمر صحفى فى معسكر لاهاى عام 1997 ولا واحد تانى اقوليك جونا ناس محمد جمال وقالوا عندنا مؤتمر صحفى لواحد هارب من سفارة السودان فى ماليزيا وكان يعمل بها سكرتير ثانى ولديه الكثير من المعلومات حيقولها ليكم فى المؤتمر خاصه حول الاسلحه النوويه جينا على امل نسمع الاخبار الخطيرة وكان الحضور كبير البدايه قال السيد خطاب انه يحمل الكثير من الاخبار المستندات الخطيرة التى تدين نظام الخرطوم ولكنه سلمها الى قوات التحالف السودانيه لذلك فهو لن يتطرق لها فى المؤتمر اليوم لانها الآن ملك للتحالف والامريكان على كل حال قال انه سوف يتحدث حول ممارسات السفير السودانى فى سفارة ماليزيا قلنا خير لكن الغريب كان كل حديثه حول مغامرات السفير مع البنيات الحلوات زى الشقاله الماليزيه او زوجات المبعوثين المعاهو وحكايات من النوع دا ثم جاء الكلام الزين عبر الاسئله من هو خطاب قال انه خريخ معهد الموسيقى والمسرح وشغال فى وزارة الخارجيه وكان رئيس جمعيه القران الكريم فى الخارجيه لكن ما كان كوز حسب كلامه يمكن كبايه بس وكان موثوق به حيث كان يحضر كل الاجتماعات التى تتم فى السفارة حيث كان يكتب المحاضر موثوق به فى ذالك الزمان من عمر الانقاذ ياعمر ود فع لله ورئيس لجمعيه القران فى الوزارة بتقول شنوا فى زى دا الهم جاء لهولندا لظروف يعلمها وحده . ككل الناس التى تبحث عن وطن ثانى وكان اسهل الطرق هوا الانضمام الى جهه سياسيه وكانت قوات التحالف السودانيه حيث وجد ضالته فيها وقام محمد جمال وابوذر عمر النور بتقديمه كواحد من مناضلى التحالف ثم انقطعت اخباره السياسية من ذاك الزمن والان يعمل فى سفارة دوله قطر بلاهاى وعلاقاته مع الشاعر الرهيف الجميل ممتازة ومع بتاع الامن عبد الدائم سمنه على عسل وكمان مع بتاع الزراعه مخضرة ومع السيد السفير علاقه فوق العادة يا ود دفع لله خلى الراجل فى حالوا اصلوا ماعندوا اى انتماء سياسى وهو مع الجميع سمن على عسل ياله من زمان تحياتى