|
|
 Re: ,,,,اخ,,,يا حميد,,,,!! (Re: عصمت العالم)
|
جية الشليل
شوك الشّوق .. لي الشّوفه آ خي
ضارب في إطن النسج الحي
يا مُنقاش و أحزاني إنشرّت ..
وادي الفرح إتمدّدْ صيْ
يا راحلين عِنْ دُغُش اللّيل ..
ما لاقيتو جناياً زي
تكية نخل الفجر الجاسر ..
فوق لي المترة عراجين ضيْ
يا رعّاوة العرب الرُّحّل ..
ما لاقاكم في المطراني
في كاويق الجرف الأمحلْ
بين أسراب الرهو الرّاحل ..
ساند أكتاف اللّيل الميّلْ
عِنْ ساساق الغيمة عليكم
بين رقراق الخيمة معاكم ..
ما أديتوهو شوي بي حَرْجَلْ
آ رطانة الليلهم ليّلْ
ما لاقاكم في ونساتكم
بين الشّادي وبين كاساتكم
في صلواتكم ..
عِنْ دعواتكم
أو دقساتكم
عِزْ خلواتكم
زول زول الله إن ِمحِن آ بسألْ
الهبّاد لي غُلْب اخواتو
الفرّاح عوّان الحلِّي
الفدّار لي الليل ظلماتو
آ نجمات شِقّيشْ قولِنلِّي
ما لاقاك طالع مندَلِّي
المطعوم من طيبة أمّاتو
كالفَجّاج الندّ نباتو
موج البحر الأحمر هوجتو
وعِرْق العَرَق اللاّوي ثباتو
جانا الشُّدَر الأخضر منو
ونار الشُّدر الأخضر جاتو
راح شقيش أب قولاً واحدْ
ليش ما يرجع من غُرباتو
طوّل .. طول ما طلّ علينا
وقاطع مننا جواباتو
الغابات جات تنشد منّو
العُربان راجين جيّاتو
أديناهم عَلَقو وعَرَقُو
وصورتو يقلِّب في كتباتو
ضُل رشّاشُو ..
ركيزة زولو
ساعات سِلْمو ويوم حوباتو
سِنْ طوريتو ..
ولون أبرولو
وحِسْ طمبورو البي نغماتو
لهلب عشق النّاس الفُقَرا
وبرّد جوفِن ..
بغنواتو .. الدّخَلت فينا ..
تمرق جينا على جلاّتو
وجيداً جينا ..
طلقنا وشينا ..
ووش أطفالنا الليلة حلاتو
غني معانا غُنانا هويتو
غني العالم غني حياتو
لا ساومنا عليها قضيتو
ولا فكّينا من إيدنا وصاتو
ألف شليل يا نورا يفوتو
شان ما يجيكي شليلك ذاتو
ولما يجيكي .. شليلك ذاتو..
 ااااا
|
|
  
|
|
|
|
|
| العنوان |
الكاتب |
Date |
| ,,,,اخ,,,يا حميد,,,,!! | عصمت العالم | 03-20-12, 12:17 PM |
| Re: ,,,,اخ,,,يا حميد,,,,!! | Ahmed al Qurashi | 03-20-12, 12:30 PM |
| Re: ,,,,اخ,,,يا حميد,,,,!! | عصمت العالم | 03-20-12, 01:44 PM |
| Re: ,,,,اخ,,,يا حميد,,,,!! | عماد شمت | 03-20-12, 02:20 PM |
| Re: ,,,,اخ,,,يا حميد,,,,!! | عصمت العالم | 03-20-12, 06:25 PM |
| Re: ,,,,اخ,,,يا حميد,,,,!! | مريم الطيب | 03-20-12, 06:33 PM |
| Re: ,,,,اخ,,,يا حميد,,,,!! | عصمت العالم | 03-20-12, 06:39 PM |
| Re: ,,,,اخ,,,يا حميد,,,,!! | عصمت العالم | 03-20-12, 09:53 PM |
| Re: ,,,,اخ,,,يا حميد,,,,!! | عصمت العالم | 03-21-12, 09:42 AM |
|
| |
عصمت العالم
فيس بوك
تويتر
انستقرام
يوتيوب
بنتيريست