هيييييييييييييييييييييييييييع عفيت منك يا الضكر كع

Quote: خالد علي محجوب المنس يا ريس جزّم شعبك رقد موجُوع ولا هماهّو تاني حدارة المشروع والوجعة وجعات للأسد الصبح ديوس الظلم والمرض علمنّا لحس الكوع والسد أبرة في قش لي المضايقو الجوع جوامع الفشخرة البصلوا فيها براكم تسو كم مدرسة لي شعب جاري وراكم وهلا هلا عليك يا شعبنا كنت زمان بتقول نعم لكلمة لا زمان قال محجوب شريف لنميري عليه رحمة الله أذاعة في ساعة هنا ام درمان دراب صالحين وعمر عثمان جاء القائد قام القائد صلى القائد .. .. الحـــــرس المدجج هسي كان باركم يــوم البعث قابلني إن بقيت باركم جت استوزرّوا الكيزان وكالو السوق ناسين ساقية الدنيا الدوام بتسوق الصفاقة هسي والنقاقيزا عسوق مــا ببروك ساعة جرة الواسوق البيتين الاخرين كافية بالتذكير بسكت ويعاين ( الشعب ) ويقيس المسافة والفرقة هيجتو وكت الجد الشايفنو كلو بروح شمار في مرقة لك الشكر وضاحة شمس المشارق لهذا الكلام البفش بعض من غبائن كالت القلب وعبّت وزمان قالوا أهلنا النصيحة ما بقولا إلا زولاً حكيم او ما نصيح ودا زولاً نصيح وحكيم واجاد قراءة الحاصل والإتحصل من سنين عجاف للمشروع الحضاري ونهج الثورة تحياتي ومودتي وضاحة