|
فى يوم من الأيام كنت شاهداّ على فساد شركة للأقطان
|
فى يوم من الايام كنت شاهدا على فساد شركة للأقطان
وهذا قبل اكثر من عشرة سنوات من الآن..
طبعا الفساد يتعلق بمشترواتهم من اسبيرات التايوتا
حيث كنت اعمل صباحاّ فى احدى محلات قطع غيار سيارات التايوتا مع تاجر طماع للاسف واذهب الى الجامعة مساءاّ
مقارنة بالنهب والفساد الكبير الاتكشف اليومين ديل دا يعتبر قطرة فى محيط
المهم فى فترة شغلى فى المحل المعنى جونا مرة واحدة ..جو قبل ما اشتغل او بعد ما خليت الشغل لا اعلم
لكن يبدو انهم بتعاملو مع محلات وشركات اسبيرات تانية
وطبعا الناس لو اتحققت من الموضوع دا حيلقوا شركات او محلات اسبيرات كتيرة سافة سف
اها الفساد البحكى عنو تم فى كتابة قيمة الاسبيرات بضعفين او ثلاثة اضعاف اسعارها الحقيقية فى الفاتورة
بطلب من ناس المشتروات ليتقاسمو الفرق لاحقا مع صاحب المحل
بعد اسبوع من العملية دى صاحب المحل رسلنى عشان امشى اجيب القروش دى من شركة الاقطان
والغريبة ما كتبو شيك ومشيت على اساس انى ماشى اجيب شيك ودخلت الشركة لاول مرة فى حياتى ومشيت قسم المشتروات والخزينة
وصرفو لى كاش فى الحال (ما ح اذكر المبلغ ) المهم بضع ملايين من الجنيهات..اكتر شى لفت انتباهى معظم الناس فى القسم كانو مسلحين
و اى واحدغارس طبنجتو بالجنبة..طلعت من الشركة وعندى احساس انو انا طالع من قسم شرطة..
طبعا انا متذكر الاسم الاول بس للشخص الاشترى الاسبيرات..والله متذكر شكلو وكأنو واقف قدامى هسع
وانا لو شفت زول ما بنسى شكلو نهائى-عندى ذاكرة فتوغرافية والحمدلله على ذلك
رجعت المحل بالمبلغ صاحب المحل صدرو انشرح ومبسوط طوالى مد لى من المبلغ جزء
قلت ليهو ياخى انا مش متفق معاك 5% من ارباح المحل قال لى صحيح قت ليهو خلاص خليهو معاك
لامن نجرد الدكان فى نهاية السنة نتحاسب..اتكبكب وكف رجع القروش للدرج..ومع نهاية السنة
خليت الشغل بشكلة لانو رفض يجرد الدكان ! والحمدلله ما كنت باخد غير مرتبى وببيع بالاسعار الهو عاملها
شوف دى حادثة صغيرة صور الفواتير شاهدة عليها و اتذكرتها بعد ما خبر فسادهم الكبير مرق برة..
وقلت لازم اكتب الكلام ..
والله المستعان
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
فى يوم من الأيام كنت شاهداّ على فساد شركة للأقطان | قرشى محمد عبدون | 02-06-12, 05:43 PM |
Re: فى يوم من الأيام كنت شاهداّ على فساد شركة للأقطان | معاوية عبيد الصائم | 02-06-12, 05:54 PM |
Re: فى يوم من الأيام كنت شاهداّ على فساد شركة للأقطان | abdelrahim abayazid | 02-06-12, 06:00 PM |
Re: فى يوم من الأيام كنت شاهداّ على فساد شركة للأقطان | قرشى محمد عبدون | 02-06-12, 07:21 PM |
Re: فى يوم من الأيام كنت شاهداّ على فساد شركة للأقطان | قرشى محمد عبدون | 02-06-12, 07:24 PM |
Re: فى يوم من الأيام كنت شاهداّ على فساد شركة للأقطان | معاوية عبيد الصائم | 02-06-12, 08:10 PM |
Re: فى يوم من الأيام كنت شاهداّ على فساد شركة للأقطان | معاوية عبيد الصائم | 03-01-12, 07:26 PM |
Re: فى يوم من الأيام كنت شاهداّ على فساد شركة للأقطان | قرشى محمد عبدون | 03-02-12, 01:51 AM |
Re: فى يوم من الأيام كنت شاهداّ على فساد شركة للأقطان | خالد العبيد | 03-02-12, 02:09 AM |
Re: فى يوم من الأيام كنت شاهداّ على فساد شركة للأقطان | قرشى محمد عبدون | 03-02-12, 02:26 AM |
|
|
|