|
|
 Re: البشير وجوافة المناصير ... "اسرار" (Re: عبد الواحد أبراهيم)
|
هو دا حال وطن فيهو انت مظلوم تنظلم
هو دا حال وطن يتعرى من اطرافو زى توب الهدم
هو دا حال وطن فيهو البشر تنذلا ذل
حقك تعاين ماتلم
هو دا حال وطن
ينهب ضفاف النيل علن
يرمينا فى جوف الخلا ويملانا هم
مجلبب الدين الحنيف دايس القيم
فيهو المنظم ينتفع بالعافى يعلو ويرتفع
وهو جنب رئيس الدولة جم
هو دا حال وطن
والعندو حق ماعندو راى ترفع نخرتك ينتقم
تصدق تقول تقول كلمة صدق تنذل تنشات بالقدم
ومنو الغيركم البثبت هنا ثابت يمين غيركم عدم
الليلة كم يوم اعتصام عارفنها كلالوطن واقف صنم
تف ياعفن تف ياعفن هو دا حال وطن
هو شنو الوطن حجم انتماء ترضابو يرضابك نعم
وطنا يلمنا كلنا متساوى زى حد السهم
لافيه امر لا امير لافيهو حق زول اتهضم
يعاند البحر الجرف انكر يكون فى يوم هو يم
لاحتى اتعدا الضفاف لافيهو بيت زول اتهدم
ياهو دا الوطن
مالو الوطن مافيهو مركز للقرار روسينو كم
ونحنا البنكسب للقرار جابدين نفسنا بعد كتم
والليلة يا موت يا حياة وان قلتو حا انفجر اللغم.
الشاعر الشاب عبد الرحيم عبد الرؤوف
|
|
 
|
|
|
|
|
| |
عبد الواحد أبراهيم
فيس بوك
تويتر
انستقرام
يوتيوب
بنتيريست