رد أبناء بيرمنجهام على (احداث بيرمنغهام ) ربماتحل لغز امجد عبد المقصود

Quote: لو صح نشـر بيان على موقع الحركة، فدا ما معناه إنو الحركة مسؤولة عنه، زي ما بكري نشر رسائل ايمن عبدالمقصود ـ أو ايا كان ـ لا وكمان (كاتبين) لبكري: نسألك منو يوم القيامة لو ما نشرتو! ( ما عارف الزول القال تلطاشر سنة ما عندو أي علاقة بكل ما هو سوداني كيف عرف إنو في موقع إسمو سودانيسأونلاين وصاحب إسمو بكري وعندو إيميل برسلوا ليهو فيهو المقالات وفيهو بورد مفروض ينشر فيهو الرسايل دي، ويًسأل عنها يوم القيامة!).. على اي حال.. فأنا وإن كنت أعرف بعض المشتركين في المشكلة دي، لكن لا أعرف ـ مش أقر ـ إنتماءاتهم السياسية ولا يمكن أن اسألهم عنها، لأنو دي حاجة خاصة وزي التصويت في الإنتخابات الذي يجب أن يكون بسرية، أنا نفسي إنتميت لحزب في السودان، ولحزب في هولندة عندما كنت هناك، لكن لا اسمح لأحد أن يسألني عن إنتمائي السياسي أو الديني أو حتى الرياضي!.. في البورد دا في ناس بدافعوا عن الحكومة أكتر من الذين يسمون (أعضاء قياديين) في الحزب الحاكم، وفي نفس الوقت يحلفوا ويدعوا إنهم ما مؤتمر وطني أو ما كيزان الخ.. وغني عن القول ـ والكلام للأخ مدثر ايضاـ إنو ما كل أبناء دارفور أو الغرب هم عدل ومساواة ولا حتى بمجرد التعاطف ناهيك عن (العضوية).. لكنكم تحاولون إلصاق الحادث بالحركة بأي شكل.. وكان طارت عنز..