مرض حامد # مطلوب أفادتكم بصراحه عنو لفائدة البحث العلمي !
سألت خالتي بكل طيب خاطرومسكنه ( أنت ياخالتي مرض حامد شنو دا هو ؟ ) هاجت ودقت جرس طويييل (الله)(أنت أصلو ما عندك أدب ولاذوق أنا مرض حامد دا فايتني وين وأنت ذاتك من ما خلقوك عندك وكمان بهضربتو عامل فيها فهمان بتسأل عن خزعبلات النسوان وكلام الحبوبات ما تسأل الكمبيوتر حقك دا أمكن يوريك ! أنا ما درست طب ولا دايه ) ياأبو الزهراء لكين ماأتهزأت و سمعت كلام عمرك ما سعمتو أكلت الهرشه أكون طبعا (طبظتها شديد ) قلت يا ود أمشي شوف زول تاني أسالو لانو أظن النسوان بيخجلوا من مرض حامد دا مع أنو أنا والله ما عارف أي نوع من الامراض هو بجد! مشيت لي حسبو سيد الدكان عندو دكان من ما قبل الاستقلال كدا وطوالي السلام عليكم يا حسبو ياسر التجار رد السلام وأخوكم أنهمر ( والله أنا عندي ليك سؤال لو جاوبتوا بشرب شمبيون وبشتري علبة تونه وقزازة زيت وقروشي حاضرةفي جيبي) قال أسأل سؤالك أنتو طبعا ما عارفين الزول حسبو وضعوا شنو في خارطة المزاج بتاعي هو أحد الممولين بالدين و مرات بيخد ليهو خفسه بيجي يعيد الزمن الجميل معانا وطبعا زوالي بحب الابيض ضميرك المهم رشفه رشفتين بعدكدا أمشي ينوم في بيت العزابة من البلد حقتم لما أسالوا أنت ليه مابجيني الا مرة مرة عذرو أنو بيطلع من الشغل تعبان (تقول تجار مواشي ) حسبو أبودم تقيل زي زيت الجربوكس المهم سألتو عن مرض حامد ؟وهو علاقتو بالعلم زي علاقتي بالصفاء الذهني والتركيز وكمان تجربتو الانسانية من الدكان لسوق الجمله لبيت العزابه وللبلد في الاعياد الرسميه وبالعكس لكين زولي أكتسب تجربه أنسانية بالمحاكاة والتشبه بكبار أصحاب البقالات من الاقباط والارمن في أمدرمان وكان ولازال مثلوا الاعلي جورج مشرقي ,صاحبنا أتنحح وقال (المرض أصلو موجودوالزول العيان بيهو مابكون عارف عندو مرض حامد ما بعرفواابدا كان راجل ولا مرة من الحاجات الواضحة فيهو تلقي المرضان وشو مليان عافيه لكين سواد عيونو يحوص جوا العين زي المخلوع وكان راجل لو شاف مره يقعد يبحلق فيها زي حمار البرسيم الشاف الامباز أول مرة وكان مره لو شافت فارس تليع كدا ترقق صوتا زي الدايرة تغني والراجل يكون جنو هدوم ونضافه كان زول مدن يكون ساكن في الحمام عديل كداوكان زول ضهاري البحر مابفارقو ويشتري في الطواقي والعمم ويغرق في الكلوينا غرق وتلقي النسوان اللي عندهن مرض حامد يعرفن من اللي ما متزوج في الحله قول يازول في المدنية كلها وكل المعلومات عنو وهاك يا كريمات ودهن ومسوح كان خدرا تبقي سمرا وتلقهن دخلات مارقات بسبب وبلا سبب كان الواحدة سمعت شافع ببكي في الشارع تجر أقرب توب وتقيف في الباب مالو ما مالو وكان في دوكه دقة أنشالله حتي لوتعليمة عروس تجي ترقص بس زي اللي عندها زرا ) أنا زمان جاني وأبوي وساقني للفكي أبو الفضايل سهران الليل هو الفكي في الصعيد الجواني فوق للحوش بهنالك سوي لي حرسات وقال لأبوي الولد بعد ما تبيعو القطن عرسو لي بشفا اتزوجت لكين بعد العرس ما عارف فاتني ولا عندي لسه !؟ أبوالزهراء قام منو دنياتو ملخبطه قلت راي عادي وما فيهو أي سند علمي كد أمشي لدكتور خالد صديق قديم مع أنو جشع جدا لا بحب يدين زول ولا بشيل قروش في جيبو لانو الصرف في ذهنو غايب وحتي المعلومات في غضب الله والله طبيب وكمان أخصائي خريج باكستان لكين عندو مقابر باسمو في الرهد زمان لحدي ما نقلوا غايتو معدل الوفيات عالي في الحالات البعالجا 38% كدا لكين قولة حق الدكتور قاريء عظيم وفهمان نظريا لكين الحكمة من الله المهم مشت العيادة وبرضو سألتو عن مرض حامد شبكني (وهو الحرمان يسبب أنتفاخ البروستات ويعجل بالمنيبوث للاناث) الدكتور شيء أنجلزي وشيء لاتيني ما فهمت حاجه مرقت من العيادة خلاص قلت البلد مافيها علم يخص حياةالناس ولا يشكل ليهم حماية من الامراض ومرض حامد أمكن يكون خطير بقتل عديل ما همهم نموت نحي بس نعيش كدا تاني يوم أتذكرت صديقه أكاديمية وعندها زي بيقولوا المثقفاتيه PHD وعميد كلية ومتخصصه في علم الاجتماع بس شربت قهوة الصباح ركبت المواصلات أول زائر من الصباح والله باحث عن الحقيقة المهم بعد السلام وهي في نهاية العقد الرابعمن العمر وما جميلة لكين صفرا أكبر مننا شوية لكين روحا شابة المهم طرحت سؤالي عن مرض حامد بالله صرخت صرخه كدا عجيبه (هي وووووووب علي أنا ما حامد قاعد في صنقري دا أنت مرض حامد ما عارف شنو دا في علم الاجتماع السالسوجي هو جوع الجسد )أخوكم أبو الزهراء قام جاري خايف من تهمة التحرش الجنسي بعميدة كلية داخل مكتبا وكمان طلاب الجامعات كلهم بنات وأولاد بقوا كودار عنف للأحزاب أحسن أتخارج ما داعي للفضايح . المهم ياشباب بالله أفادتكم تكون موضوعية لفائدة الباحثين وطلاب العلم وبصراحة كل مصاب بمرض حامد يقدم أفادة نكون جادين ! (عدل بواسطة زهير عثمان حمد on 01-25-2012, 07:47 AM)

العنوان	الكاتب	Date
مرض حامد # مطلوب أفادتكم بصراحه عنو لفائدة البحث العلمي !	زهير عثمان حمد	01-24-12, 10:31 PM
Re: مرض حامد # مطلوب أفادتكم بصراحه عنو لفائدة البحث العلمي !	محمد البشرى الخضر	01-24-12, 10:44 PM
Re: مرض حامد # مطلوب أفادتكم بصراحه عنو لفائدة البحث العلمي !	هيثم طه	01-24-12, 10:47 PM
Re: مرض حامد # مطلوب أفادتكم بصراحه عنو لفائدة البحث العلمي !	Yassir Tayfour	01-24-12, 11:04 PM
Re: مرض حامد # مطلوب أفادتكم بصراحه عنو لفائدة البحث العلمي !	حسبو عكاشة	01-24-12, 11:05 PM
Re: مرض حامد # مطلوب أفادتكم بصراحه عنو لفائدة البحث العلمي !	محمد حيدر المشرف	01-25-12, 00:17 AM
Re: مرض حامد # مطلوب أفادتكم بصراحه عنو لفائدة البحث العلمي !	Salah Abdulla	01-25-12, 06:20 AM
Re: مرض حامد # مطلوب أفادتكم بصراحه عنو لفائدة البحث العلمي !	ALZOLZATOO	01-25-12, 06:28 AM
Re: مرض حامد # مطلوب أفادتكم بصراحه عنو لفائدة البحث العلمي !	عبدالعزيز حسين عبدالرحيم	01-25-12, 08:41 AM
Re: مرض حامد # مطلوب أفادتكم بصراحه عنو لفائدة البحث العلمي !	قيقراوي	01-25-12, 08:52 AM
Re: مرض حامد # مطلوب أفادتكم بصراحه عنو لفائدة البحث العلمي !	Mohammed Ahmed Saeed	01-25-12, 12:06 PM
Re: مرض حامد # مطلوب أفادتكم بصراحه عنو لفائدة البحث العلمي !	قاسم المهداوى	01-25-12, 12:12 PM
Re: مرض حامد # مطلوب أفادتكم بصراحه عنو لفائدة البحث العلمي !	زهير عثمان حمد	01-25-12, 11:07 PM
Re: مرض حامد # مطلوب أفادتكم بصراحه عنو لفائدة البحث العلمي !	زهير عثمان حمد	01-25-12, 11:55 PM
Re: مرض حامد # مطلوب أفادتكم بصراحه عنو لفائدة البحث العلمي !	Tagelsir Elmelik	01-27-12, 01:38 PM
Re: مرض حامد # مطلوب أفادتكم بصراحه عنو لفائدة البحث العلمي !	محمد عبد الماجد الصايم	01-28-12, 09:30 AM

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]