إتحاد الشباب السوداني.............. نحروه?.......... أم إنتحر.

Quote: سلام للجميع, طبعا ياصديقي مجدي اسحق وبالتاكيد اقول ..............نحروووووه, البوست ده ح يفتح مواجع وخبايا غير متوقعه والموضوع هام للغاية لانه تطرق لجوانب تاخر طرحها كثيرا الجراءة والتوضيح فية مطلوب وبدون طبطبة لان اتحد الشباب ليست ملك شخصى كما كان يعتقد بعض الزملاء في السكرتارية المؤبدة السابقة وكمان مسالة من هو المسئول مهمة لان التاريخ لايرحم واللة يسترنا معاك يامجدي اسحق!!. صديقي واخي العزيز جدا حسن الجزولي .......................... سلامات ومشتاقين كتير وصيتي لازم تبرد نفسك شوية في الموضوع دة لانة لسة نحن في بدايته وانت على علم بالقديم والجديد!! وماتنسى كمان مازلنا محتاجين لخبراتك. العزيز عفيفي .............................. الرائع مليون سلام والشوق لايوصف وعارفاك ح تكون متشوق لمساهمتي بالتاكيد موجودة ومستحيل اخذلك ياعفيفي. وبالمناسبة اطمئينكم كل شئ مؤثق والتجربة مكتوبة وسلمتها للشباب الاعزاء المساكين في السكرتارية المنحورة الجديدة وكثيرمن عضوية اتحاد الشباب بالداخل اطلعوا عليها ويعلمون بالتفصيل فيما يختص بجانب فقدان مقعدنا في اتحاد الشباب العالمي فقط اصبروا لي شوية لانني حابة اسمع مداخلات الناس الكبار اولا, لانو مع الشباب في صلة يومية وعارفين المصيبة جاءت من وين??. الاخ العزيز خالد العبيد.......................... اتمني ان تكون بخير وعايزة استمتع بمساهمتك اكيد عندك الكثير لكن اوعك تقول لي انت واحد من خيانة الفراكشن مابتشبهك ابدا الخيانة دي سلام للاسرة. مجدي اسحق........................................... خنقتني وحاصرتني واستفزيتني عشان اكتب واساهم بمداخلة فهمت قصدك لكن كمان مسالة اصابع الاتهام تصلني دي كتيرة منك لانني كنت وماذلت ضحية صراع لا ناقة لى فية ولا جمل!! تضررة من اتحاد الشباب السوداني وتحملت الكثير عشان خاطر الشباب الذين اعطؤني الثقة والامل بان الدنيا لسة بخيرة وفيهم مجموعة كبيرة موجودة في السكرتارية واللجنة التنفيذيةالحالية, وانت (عينك في الفيل تطعن في ضلو) ولا انا دائما الحيطة المايلة, غايتو بس صابرة عشان شايفة الجايي اجمل (مش بتطلع كل يوم الشمس اجمل والنخلة اطول جييد وقامة). تنبية يا مجدى: في اثنين مهمين لاذم تجد طريقة تخنقهم مثل ما فعلت معي عشان يساهموا لانهم عاصروا احداث كثيرة وهم الاستاذة الاخت عايدة فيصل كانت في منطقة بحري اساسية الان موجودة في كندا والاستاذ اشرف ابؤعكر كان في امدرمان الثورة وهو جزء من مؤامرات الفراكشن وناس الثورة ديل دائما مستهدفين لاادري لماذا? خاصة الشباب الحالي!! واتمني ان يكونوا على علم بالبوست. ح ارجع ليكم بالمساهمة الاساسية فقط حبيت ادردش معاكم في البداية, تحياتي هالة.