الحركة الشعبية شمال تجتمع مع مبعوث الولايات المتحدة الأمريكية للسودان

Quote: ياسبحانك! كومر الشيوعي العمروهو مرتضي، عارف لما عرمان كان عضو حزب شيوعي في الفرع، او لسة بهتف عاش كفاح الطبقة العاملة، دع عنك مرتضي جعفر الجا المنبر ده شيوعي، بشاشا كان بقول في زي كلامو ده زاتو، او كان ضد منظومات الجلابة لي حدها، كما هو اليوم! متين الزيك ده بطل يبقي طليعي جلابة، او يركب موجة السودان البديل، لمن كمان يملا خشمو او يقول لي واحد زينا، لم يتدنس قط بالانخراط في مؤسسات الجلابة، ولاحتي بمجرد التصويت، حتي في انتخابات الطلاب، مهرج؟ نعم حتي لوشاركت في تصويت كنتا برمي ورقتي فاضية في انتخابات اتحاد جامعة الخرطوم، منذ اكثر من ربع قرن! هكذا عشنا عمرنا كلو، او احنا بنحاول نفعل ما نقول، ونقول ما نفعل، عن قناعة تامة او رضا كامل، بلا طمع او خوف. انا لمان سجلت في المنبر ده، انتا كنتا من طليعة اوباش الشيوعيين الستالينيين، المتحجرين، البقودو حملات الاغتيال المعنوي للخصوم، او جايي الليلة كمان خالف رجل في التاني، او كمان توصمنا بالمهرجين؟ يا سبحانك! فعلا هانت زلابية السودان البديل!