|
في 2012 لا دايرة أحج لا دايرة أمشي الأردن..
|
(1)-أ- السودانيون معظمهم يحصرون حياة الواحد منهم في 4 محطات بين الميلاد والموت أتخرج أعرس أحج أمرض وأمشي الأردن(زمان كانت مصر) واتكل امووووت مرة سمعت زول جايي يبارك لعريس على سبيل الظرافة الزايدة لمن مدفقة قال ليهو : إتخرجتا وعرستا فاضل ليك الحج والأردن تهي تهي تهي كاه كااااه كاااااااه دة كلالالالالام دة يا راجل؟! اتلومتا لوم السنين
(1)-ب- وبما أن 2012م مقبلة بي (حشادها ورشادها) على حد تعبير حبوبتي والتي قولها ليس كقول حبوبة زميل المنبر صلاح غريبة المسغفة شديد وبما أني في المحطة 2 فإنني ومن على هذا المنبر أعلن أنني في 2012 لا دايرة أحج لا دايرة أمشي الأردن سغيرة وجاهلة ياخ
ولكن ممكن بروفات للحج طالما قرر الكيزان عمل نموذج للكعبة في الساحة الخضراء لتدريب الناس على الشعيرة (الله لا كسبهم) وطبعا ما محتاجين -كسودانيين- لبروفات للأردن لأن حياتنا في ظل الإنقاذ بروفة متواصلة من المغصة والمرض المهم على قول مممممممم (هو منو عضو المنبر البختم مداخلاتو بكلمة "المهم"؟ الزهايمر اشتغل)
(2) صحي السودانيين شعب بيفلسف النكتة؟ ولا بنتفلسف لمن ننكت؟ وللا بننكت على سبيل الفلسفة؟ صحي نحنا شعب ما بيعرف يستمتع بحياتو؟ حاصرها في 4 محطات ما بين الميلاد والموت؟ صحي؟
(3) ماما وين عليا الثولح؟ الوليد دود الوعر سألني بينما أنا بكتب في البوست دة إتخلعتا وإتصدمتا انتبهت أنه يقصد علياء الصلح إبنة صانع إستقلال لبنان ورئيس أول حكوماتها بعده رياض الصلح كنت أقرأ قبل أيام كتاب عن عليا (ست الستات عليا الصلح) على غلافه صورتها فالوليد سألني:دي منو يا ماما؟ أجبته دي عليا الصلح!! رسخ الاسم في ذاكرته بالغتي يا لنا مهدي هو فارز عليا الثولح منو؟ كان تقولي ليهو دي خالتو وخلاص نحمل أبناءنا فوق طاقتهم خليهم يعيشو طفولة بسيطة ياخ! ايه العقد والكلاكيع دي؟!! أف
(5) غصبن عننا غصبن عننا بنحتفل بسنة جاية والقلب نص نص لا فرحان شديد لا مقبوض شديد ليه ما بنفكر نحتفل بالسنة المسكينة المرت؟ أصصصصصلو ما حصل فيها حاجة حلوة نكد في نكد يا كافي البلا؟ يا لطيف 2011 لا بواكي لها
(6) ما عندي توقعات سحرية من 2012 لكني واثقة أنني سأعيشها كما ينبغي للمرء أن يعيش حياته full options ,وأدعوكم كلكم أحبائي لتعيشونها فل اوبشنز طيبة ومحنة ومحبة وصفاء وتطلع للأفضل وإنجازات وترقي سنتكم full options يا أحباب والعفو والعافية
|
|
|
|
|
|
|
العنوان |
الكاتب |
Date |
في 2012 لا دايرة أحج لا دايرة أمشي الأردن.. | lana mahdi | 12-31-11, 12:11 PM |
في 2012 لا دايرة أحج لا دايرة أمشي الأردن..دايرة الحاجات تبقى كويسة | lana mahdi | 12-31-11, 03:06 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | طارق جبريل | 12-31-11, 03:09 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | lana mahdi | 12-31-11, 03:20 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | Siham Elmugammar | 12-31-11, 05:02 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | lana mahdi | 01-03-12, 07:35 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | Mahmoud Mustafa Mahmoud | 12-31-11, 05:23 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | Mohamed Doudi | 01-01-12, 04:14 AM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | lana mahdi | 01-03-12, 07:50 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | lana mahdi | 01-03-12, 07:44 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | bint_alahfad | 01-03-12, 11:51 PM |
Re: في 2012 لا دايرة أحج لا دايرة أمشي الأردن..دايرة الحاجات تبقى كويس | Tragie Mustafa | 01-04-12, 00:33 AM |
|
|
|