صور وفيديو من احتفال الحزب الشيوعى السودانى باكتوبر بلندن

Quote: يا بُلبُل يا صاحبي الجميل كيفنك ياخي وكيفنهم أصحابي عيالك نعلكم طيبين وكل عام وإنتو بألف خير يا رب يا بُلبُل ياخي عندي سُعالات كتارات سعلتك ليهن في بكاناً تاني وما لقيت عليهن إجوبة حأورد نفس السعالات دي هني ده ويا ريتني لو ألقي لي أجوبة منك أو من الإخوة الشيوعيين هي نسيت ... أنا طبعاً لا شيوعي ولا كوز وما بنتمي لأيتها حزب في الدنيا دي قبال كدي الشيوعيين قالوا أنا كوووووووووووووز ... والكيزان قالوا أنا شيوعي أنا تطير عيشتي إنشاء الله معاكم يا السياسيين أهااااااااا نجي للأسئلة: قوووووول إنو الحزب الشيوعي عمل الإحتفالية دي .. أها ... هل مجرد الإحتفاء ده ممكن يكون زي ( يا حليل أيام زمان ؟؟؟) .. ولا هل في جديد في الإحتفاء ده بيودي البلد لي قِدَام ؟؟؟ يعني ما مجرد ثورة إحتفائية وبــــس وإجترار أيام الماضي ونقعد نَسِب للكيزان لأبو أهل أبوهم ظاتو و شنو شنو داك البيحصل في الملمات الزي دي شنو المفيد الحصل في الإحتفائية دي لأجل الوطن وإنسان الوطن ؟؟؟ شنو هو الشئ الموجب من وجهة نظرك إنتَ كزول تابع هذه الإحتفالية يا نبيل ؟؟؟ ثُمَّ ياخي والله والله العظيم أسلوب نقاشك هنا مع د. صلاح البندر ده وحتي أخوي ناصر المحسي نقاش ما مقبول بتاااتاً ، من ناس نحن منتظرنهم يقودونا وبلادنا لبر الأمان يعني ناس ده أسلوب نقاشهم والله ما منهم رجا تب فشنو ... إرتفعوا لمقام أن نثق فيكم ياخ التوقيع: زول سوداني عادي ماشي علي قعر الحيطه ماشي في بلاد الله وعلي وجه الله وبس