الفكر الجمهوري ....... جرد الحساب

Quote: يا خوي الكلام ده باللغة البلدية كدي... انو الله ما عندو حد يصلوا الانسان، يعني شي مطلق لا اول له ولا اخر،، اها قوم ربنا سبحانه وتعالي قال في محكم تنزيله: ( يا ايها الانسان انك كادح الى ربك كدحا فملاقيه ). اها يا سيدنا الشيخ، طبعا شرح الاستاذ كان صعب عليك،، اها ح اقوم ابسطها ليك شديد...الملاقاه هنا ما زي مثلا انا امشي ليك البيت، او الاقيك في السوق، الملاقاه هنا معناها مقابلة الصفة للصفة، يعني عشان يكون الموضوع ساهل ومبلوع، ح اضرب ليك مثل: الله سبحانه وتعالي وصف نفسه ب (العليم) اها يقوم الناس يتعلموا وكل ما يزيد علمهم يبقوا ماشي يقتربوا من درجة (العليم) اها الطريق ده فرداني، يعني زي سباق الضاحية، الناس كلها واقفين فق خط البداية اللي هو ايه ؟؟ اللهو العلم،، اها يصفر الحكم ضربة البداية وعينك ما تشوف الا النور، الناس بنلقاها انقسمت ناس في المقدمة وناس في الوسط، وناس في مؤخرة السباق، وناس بدت تنسحب، اها كل ما نمشي لي قدام نلقي المقدمة بقت تتناقص لمن ترسي انو يكون علي راس الباق واحد ويليه الثاني وهكذا، اها اخونا الفي المقدمة ده بكون اقرب الي العليم من الباقين، ده بكون قائد الجماعة ديل، وبما نو العلم صفة الله ده ما عندو نهاية حيكون السباق مدور علي طول، ويبقي منصب القائد للسباق ده رهن بمقدرات الشخص الشخصية، زي طولة النفس ، الطاقة وحاجات اخري تفرق الباقين،، اها ده الوصفو ربنا سبحانه وتعالي بقوله:( نرفع درجات من نشاء وفوق كل ذي علم عليم) سورة يوسف.. اها عليم ده يقع بين الناس وربها، وهو بموجب العلم الذي لديه مسؤول من الباقين مسئولية تامة... والكلام ده انتو زاتكم قاعد تعملوا بيه، مش عندكم مركز عام، ومسئول من المركز العام ده، وبناءا علي مسئوليته دي مسئول منكم برضوا،، اها الحكاية زي دي وكده،، فهمت ولا اعيد ليك الشرح.. علي فكرة انا بكلمك بالطريقة دي، عشان انت من الأول عملت فيها قاضي، او مراجع عام وكده، والمراجع او المدقق الما بيمشي حسب المواصفات المطلوبة لعملية الجرد بي يوبخوهو وبي قولوا ليه امش كده، انت ما بتعرف محاسبة، ولا مش كده ؟؟ شوف سعادتك اي حاجة يغلبك فهما من الفكرة ،، انا تحت الخدمة، ولو عاوزني اشرح ليك مفارقة الوهابية للدين، كمان انا حاضر.. قال عاوز يجرد الحساب قال،، انا قلت ليك جردك ده فاشل حتي في جرد طبلية صغيرة..