ام درمان واسطورة ثقافة الوسط!!!.

Quote: ولا صاح ولا حاجة بل هي ثقافة الجحود والنكران امدرمان ما انانية بدليل انها استوعبت كل السحنات والثقافات وصهرتهم وقبلتهم المودي السودان في داهية ياهو جنس التحليل والاستنتاج ده الكاتب ذات نفسه وان كان لا يدري ساهمت امدرمان بالقدر الاكبر في تكون ثقافته العاوز يجلدها بيها دي ساهمت فيها بصورة مباشر او غير مباشرة امدرمان مدينة قامت من العدم في 100 سنة وده عمر طفولة في مقياس اعمار المدن ، اصبحت اكبر مدينة سودانية من ناحية الجغرافيا وما اكون بالغت لو قلت من ناحية التاريخ ، والمستقبل ذاتو حقها للبعاينو للمستقبل بمظور غير مادي .. اها مستقبلها ده بحاربوه فيها امثال الكاتب امدرمان مدينة كونتها حرب وحكمت بدكتاتورية دينية وعانت من غزو غرضه اقتلاع الدكتاتورية ديك موش قصدي اقتلاعها سياسياوعسكريا بل اقتلاعها ثقافيا برضو ، ونتاج ذلك مورس ضدها في الفترة ما بعد المهدية وحتى الحرب العالمية الاولى شتى انواع وصنوف التغريب، ولمم تفلح لتنهض امردمان من بعد الحرب العالمية الاولى الاصبحت ليها زي فسحت اخدت فيها نفسها من الغزو الممنهج .. وجات بشكلها الهسع ده شكل في امدرمان دي بعد الحرب العالمية الاولى كل الوعي السوداني ثقافي سياسي رياضي الخ الغلط بس بدل ما ينداح الوعي ده على بقية السودان حج جميع اهل السودان تجاهها ينهلون منها حتى تضخمت وترهلت وفقدت بوصلتها