أسـاليب الإستخبـارات فى الدول العـربيـة جميعهـا واحـدة.. وتحـضـرنى هنا روايـة حقيقيـة، وقعت فصـولهـا فى قاهـرة المعــز فى أوائل الستينــات، فى عهـد المرحـوم جمال عبـد الناصــر. سـمعـت هـذه القصـة من الأخ المـرحــوم محى الدين الحضـرى، ولقـد كان هـو نفســه بطل القصــة. قال، أنـه ذات أمسيـة كان جالســا فى أحـدى مقاهى القاهـرة.. الجرســون ســودانى.. يمــر من وقت لأخـر على احـد الزبائن الذى رفض دفـع حق الشـاى.. وعنـدما سـألـه الجرسـون الســودانى فى المرة الأخيـرة، هـاج الزبـون وصـرخ فى وجـه الجرســون المسكين.. يا برابـرة يا المابتفهمــوش.. ويا... وقـد كان محى الدين جالسـا بالقـرب من الزبـون، فما كان منـه إلا أن رصعــه بكف جامـد، حتى سـقط على الأرض، وقاللو بصـوت عالى.. ينعل أبوك على أبو جمال عبـد الناصـر.. يا حلبـى.. يامغفـل يا.. قال بعـد شـويـة أشـوف ليك القهـوة فضت كلهـا!! فرتكـوا كلهـم ما فضل فيهـا غيـر الشـاب الســودانى.. وقال واحـدين، وهـم مارقين يقربـوا منى ويهمسـوا فى أضـانى: أبو جمال الكبيـر؟!! تؤول أبو جمال الكبيـر؟!! وهـم مارقين.. قال بعـد شـويـة جا كومـر ملان بوليس.. فتشــو الزول لقـوه ظابـط وعنـدو بطاقـة طلعهـا ليهـم.. شـالوا منو البطـاقـة، وضـربـوه ضـرب شـديــد، بعـد داك تشـيلبــوه واحـد، إتنين، تلاتـة.... رمـوه ليك فى نص الكـومـر.. الغـريبـة قال الوكت دا كلو مافيهـم زول واحـد حتى عاين لى معاينـة، لحـد ما دوروا كومرهم وفاتـوا بى زولـوم.. قال محى الدين، بـعـد الحادثـة دى قعـد تانى زى تلاتـة شهــور.. لمن جا مسـافـر، مشى البنك عشــان يحـول قروش.. وهـو واقف فى صف طـويـل.. لما جا دورو ووصـل الشباك، قال المـوظف إتلكأ شـديـد.. يعنى يمشى ويجى ويتشــاغل بالأوراق القـدامـو.. المهـم لما الحكايـة طولت، قام محى الدين بدأ يحتـج، ويكلمـو بصـوت فيـه خشـونـة شـويـة.. قال الزول الواقف وراه ضـرب على كتفـه منبهـا وقال ليه: معليش يا أستـاذ زمان ويفضالك.. بس ما تلعنش أبو جمال الكبيــر!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة