|
|
 Re: اغتيال فضيلة (Re: sanaa gaffer)
|
وساد الصمت بين الطرفين وهما يحاولان استيعاب الاسم الذي انطلق كالقذيفة من فم فتاح " اماني منو ؟؟ المعانا في الشلة ؟؟" كان سؤال ساريا محملا بكل الدهشة التي ساورتها .. فاجاب فتاح بنغمة بذل اقصى جهده لتخرج لامبالية وعادية " ايوة ياها .. يعني احنا بنعرف كم اماني ؟؟ .. ردت ساريا بلهجة مليئة بالشك " دي صاحبة فضيلة يا فتاح " .. " عارف يا ساريا وانا خلاص موضوع فضيلة دة صرفت عنه نظر لاني زهجت وما عندي طولة بال اقعد استنى لمن تتكرم علي بنظرة .. وبعدين انا فكرت في الموضوع من زاوية تانية ... يا اخي امجد دة زول صاحبي وقلت ما في داعي اخسره عشان واحدة ممكن الاقي زيها بالكوم ... انا عارف امجد عاوزها .. ويا ستي رحم الله امرء عرف قدر نفسه .. انا ما باقدر انافسه .. خلاص خليها ليه ..وبعدين اماني ما بطالة بالذات المرة دي الزهجة قوية وعشان تفك عاوزة ليها كرت جديد ما اتحرق قبل كدة .. السكند هاند ما حينفع .. اها قلتي شنو مش هي كرت جديد برضه ولا خلاص موضوعها انتهى ؟؟
كانت لهجة ساريا تتارحج بين الشك واليقين وهي ترد عليه " لا لسة وكالة ما دخلت مجال المستعمل لكن .. قاطعها فتاح بنفس اللهجة اللامبالية " انا غايتو فكرت فيها لكن ما عارف شايف لبسها كله واسع كدة والواحد ما قادر يحدد تحته شنو .. يبدو لي جسمها ما حلو ولا فيه حاجة غلط بتغطيها باللبس الفضفاض "
زال الشك من صوت ساريا الملهوف وهي ترد عليه " لا من الناحية دي ما تخاف .. جسمها حلو وما فيه حاجة غلط انا متاكدة من الشئ دة " وتمالك نفسه كي يجاريها " يا زولة هي متاكدة شنو ؟؟ زهجتي دي عشان تفك عاوزة ليها حاجة كدة ما أي كلام " كان صوت ساريا يعبر عن فرحة حاولت كبتها ولم تستطع " قلت ليك متاكدة لاني شفت بعيني " وتصنع فتاح الدهشة "شفتي بعينك ؟؟ انتي يا ساريا بتغشي علي ولا شنو ؟؟مش هسة قلتي البت كرت جديد وما اتحرق يبقى شفتي كيف ؟؟
" انت بس اصبر شوية وخلي التسرع بتاعك دة ... البت فعلا لسة جديدة وانت حتكون الاول .. لكن انا بطريقتي الخاصة عملت ليها صور وشريط وما تسالني كيف وليه المهم في الموضوع انو دة طلبك زاتو قلت شنو؟؟ لو عاوز هسة باركب عربيتي وانت استناني تحت بيتكم اديك ليهم عشان تتاكد بنفسك "
وحتى لا يثير شكوكها بموافقته السريعة تمنّع عبد الفتاح قائلاً " لا يا ساريا الدنيا ما حتطير من هنا لبكرة ... جيبيهم معاك الجامعة ولما ارجع البيت واشوفهم حاوريك لو دخلت راسي باخليك تدبري الباقي وبرضه حقك محفوظ " احس بامعاؤه وقد وصلت الى حلقه وهو يقول الكلمات التي كانت عادية في يوم من الايام ولكنها الان اصبحت مقرفة وكريهة المذاق ...
" لا يا فتاح دي حتكون هدية مني ليك وما عاوزة منك أي شئ ..اوكيه يا عسل .. واقول ليك كلام اديني فرصة بس لغاية حفلة امجد ما تخلص وشوف بعد كدة لو ما جبت ليك فضيلة زاتها لغاية عندك ما ابقى انا سروية " قفز قلب عبد الفتاح قفزات متتالية لمجرد سماعه اسم فضيلة من فم ساريا وبصعوبة اخفى لهفته وخوفه واصطنع الغضب " حفلة ؟؟؟ حفلة شنو ؟؟ والله انتو بقيتوا اصحاب أي كلام ... امجد عامل حفلة وما كلمني ؟؟ طيب شوفوا البيحضرها منو
وسارعت ساريا بالرد " دقيقة بس قبل ما تحرّد .. والله الموضوع دة اتطرح امبارح لمن كنت في مشوار ابوك ... قلنا كلنا زهجانين وعاوزين نفرفش شوية ... امجد اقترح نعمل حفلة صغيرة في مزرعة ابوه نهاية الشهر لكن والله ما ناقشنا أي تفاصيل وخليناها لمن انت تجي "
" طيب اشمعنى يعني تجيبي لي فضيلة بعد الحفلة ؟؟ هسة ما بنفع ؟؟ حتى عشان تفكي زهجة صاحبك ؟؟ كان يحاول بياس ان يعرف ما يدور براسها ...
" لا يا فتاح هسة ما بنفع.. الحقوق محفوظة وانت عارفني في الشغل ما بجامل ... امجد دفع دم قلبه في البت دي وانا وعدته اجيبها ليه يوم الحفلة باي طريقة ... وامتلا صوتها بالصقيع وهي تواصل " حتى لو جنازة "
ظلت كلمات ساريا ترن في اذن عبد الفتاح لفترة طويلة بعد انهاء المكالمة ... احس ببرد الخوف يعتصر قلبه ويتسلل الى عظامه ... خوفه على فضيلة احال عقله الى بركان يوشك على الانفجار ورغبته في حمايتها ملاته تصميما على خوض الحرب ضد اصدقاءه .. وظل يفكر ويسترجع في راسه اساليب ساريا للايقاع بضحاياها ... أي وسيلة سوف تستخدم للوصول الى فضيلة ؟؟ كيف يتصرف ؟؟ هل يحذرها ؟؟ لن تصدقه فهي تراه معهم وتعتبره مثلهم ... وتحتقره مثل ما تحتقر الباقيين ... فقط لو تدري مدى حبه لها وخوفه عليها ... هذا الحب الذي خلق منه انساناً آخر وطهّر روحه وكانه ولد من جديد ... نظر الى ساعة يده ووجدها تخطت الثالثة صباحاً ببضع دقائق فنهض الى سريره وارتمى عليه بكامل ملابسه وحاول ان يريح جسده المتعب.
|
|
 
|
|
|
|
|
| العنوان |
الكاتب |
Date |
| اغتيال فضيلة | sanaa gaffer | 11-26-06, 05:45 AM |
| Re: اغتيال فضيلة | sanaa gaffer | 11-26-06, 05:51 AM |
| Re: اغتيال فضيلة | sanaa gaffer | 11-26-06, 05:57 AM |
| Re: اغتيال فضيلة | sanaa gaffer | 11-26-06, 06:02 AM |
| Re: اغتيال فضيلة | sanaa gaffer | 11-26-06, 06:09 AM |
| Re: اغتيال فضيلة | sanaa gaffer | 11-27-06, 00:09 AM |
| Re: اغتيال فضيلة | sanaa gaffer | 11-27-06, 00:11 AM |
| Re: اغتيال فضيلة | sanaa gaffer | 11-27-06, 00:13 AM |
| Re: اغتيال فضيلة | sanaa gaffer | 11-27-06, 00:15 AM |
| Re: اغتيال فضيلة | sanaa gaffer | 11-27-06, 00:53 AM |
| Re: اغتيال فضيلة | sanaa gaffer | 11-27-06, 05:56 AM |
| Re: اغتيال فضيلة | sanaa gaffer | 11-27-06, 06:01 AM |
| Re: اغتيال فضيلة | sanaa gaffer | 11-28-06, 00:12 AM |
| Re: اغتيال فضيلة | sanaa gaffer | 11-28-06, 00:14 AM |
| Re: اغتيال فضيلة | sanaa gaffer | 11-28-06, 03:42 AM |
| Re: اغتيال فضيلة | sanaa gaffer | 11-28-06, 03:43 AM |
| Re: اغتيال فضيلة | sanaa gaffer | 11-28-06, 05:56 AM |
| Re: اغتيال فضيلة | sanaa gaffer | 11-28-06, 06:00 AM |
| Re: اغتيال فضيلة | sanaa gaffer | 11-29-06, 02:54 AM |
| Re: اغتيال فضيلة | sanaa gaffer | 11-29-06, 02:57 AM |
| Re: اغتيال فضيلة | sanaa gaffer | 11-29-06, 06:07 AM |
| Re: اغتيال فضيلة | sanaa gaffer | 11-29-06, 06:10 AM |
| Re: اغتيال فضيلة | sanaa gaffer | 11-29-06, 06:14 AM |
| Re: اغتيال فضيلة | sanaa gaffer | 11-30-06, 03:38 AM |
| Re: اغتيال فضيلة | sanaa gaffer | 11-30-06, 03:42 AM |
| Re: اغتيال فضيلة | sanaa gaffer | 11-30-06, 03:47 AM |
| Re: اغتيال فضيلة | sanaa gaffer | 11-30-06, 03:54 AM |
| Re: اغتيال فضيلة | sanaa gaffer | 11-30-06, 03:57 AM |
| Re: اغتيال فضيلة | حافظ عبدالعاطى احمد | 12-02-06, 03:51 AM |
| Re: اغتيال فضيلة | Outcast | 12-04-06, 02:32 AM |
| Re: اغتيال فضيلة | sanaa gaffer | 12-04-06, 05:09 AM |
| Re: اغتيال فضيلة | sanaa gaffer | 12-04-06, 05:13 AM |
| Re: اغتيال فضيلة | sanaa gaffer | 12-04-06, 05:15 AM |
| Re: اغتيال فضيلة | sanaa gaffer | 12-04-06, 05:20 AM |
| Re: اغتيال فضيلة | sanaa gaffer | 12-05-06, 04:06 AM |
| Re: اغتيال فضيلة | sanaa gaffer | 12-05-06, 04:09 AM |
| Re: اغتيال فضيلة | sanaa gaffer | 12-05-06, 04:35 AM |
| Re: اغتيال فضيلة | sanaa gaffer | 12-05-06, 04:38 AM |
| Re: اغتيال فضيلة | sanaa gaffer | 12-05-06, 06:13 AM |
| Re: اغتيال فضيلة | sanaa gaffer | 12-05-06, 06:16 AM |
| Re: اغتيال فضيلة | حافظ عبدالعاطى احمد | 12-05-06, 07:16 AM |
| Re: اغتيال فضيلة | sanaa gaffer | 12-06-06, 01:07 AM |
| Re: اغتيال فضيلة | sanaa gaffer | 12-06-06, 01:10 AM |
| Re: اغتيال فضيلة | sanaa gaffer | 12-06-06, 01:13 AM |
| Re: اغتيال فضيلة | sanaa gaffer | 12-06-06, 01:16 AM |
| Re: اغتيال فضيلة | sanaa gaffer | 12-06-06, 01:18 AM |
| Re: اغتيال فضيلة | sanaa gaffer | 12-06-06, 01:19 AM |
| Re: اغتيال فضيلة | sanaa gaffer | 12-07-06, 02:42 AM |
| Re: اغتيال فضيلة | sanaa gaffer | 12-07-06, 02:45 AM |
| Re: اغتيال فضيلة | sanaa gaffer | 12-07-06, 04:45 AM |
| Re: اغتيال فضيلة | sanaa gaffer | 12-07-06, 04:48 AM |
| Re: اغتيال فضيلة | sanaa gaffer | 12-07-06, 04:54 AM |
| Re: اغتيال فضيلة | sanaa gaffer | 12-07-06, 04:56 AM |
| Re: اغتيال فضيلة | sanaa gaffer | 12-07-06, 05:00 AM |
 Re: اغتيال فضيلة | mamkouna | 12-18-06, 11:40 AM |
| Re: اغتيال فضيلة | يوسف الولى | 12-18-06, 05:22 PM |
| Re: اغتيال فضيلة | hamid brgo | 12-19-06, 05:01 AM |
| Re: اغتيال فضيلة | sanaa gaffer | 12-19-06, 05:22 AM |
| Re: اغتيال فضيلة | محمد أبوالعزائم أبوالريش | 12-19-06, 06:28 AM |
| Re: اغتيال فضيلة | sanaa gaffer | 12-19-06, 07:31 AM |
| Re: اغتيال فضيلة | بابكر حامد احمد | 12-19-06, 07:47 AM |
| Re: اغتيال فضيلة | sanaa gaffer | 12-20-06, 05:58 AM |
 Re: اغتيال فضيلة | معتصم دفع الله | 12-19-06, 03:34 PM |
| Re: اغتيال فضيلة | sanaa gaffer | 12-20-06, 06:10 AM |
| Re: اغتيال فضيلة | زهير حيدر صديق | 12-20-06, 06:46 AM |
| Re: اغتيال فضيلة | معتصم دفع الله | 12-20-06, 08:39 AM |
|
| |
فيس بوك
تويتر
انستقرام
يوتيوب
بنتيريست