|
|
 Re: مهرجان الشاي .. (Re: سمرية)
|
حقو ناخد لينا وقفة
في التكافل والتراحم
في التآزر والتعاضد
وكل شي يقربنا زلفي
حقو ناخد لينا وقفة
في القوانين واللوايح
في التشرد والرعاية
ونعتني بي كل نطفة
حقو ناخد ليناوقفة
للافق ننظر نخطط
ومانسيب حاضرنا تايه
وما يجينا الجاي صدفة
**************
تسعة والوالد توفي
والرزق كان بيتو يجفي
تسعة يوم ماضاقو إلفة
لا الطعام شبع وكفي
الوالدة واصلت المسيرة
صابرة مؤمنة ياحليلا
في ضرا الكرتون مقيلا
لا صديق بي لُقمة يلفي
ولا رفيق لي عطشة يطفي
تسعة والوالد توفي
ووالدة بين كانون ومصفي
بس ياريت الشاي يصفي
والزباين تلقي وصفة
شاي مظبوط حالا يشفي
والقروش تُحسب كتيرة
وللعيال تنفكا حيرة
وللمؤجِر والمديرة
والقسط تدفع أميرة
والدكيكين يلقي خيرا
وتلغي صفحة وتبدا غيرا
والديون قاسية وعسيرة
الوالدة واصلت المسيرة
صابرة مؤمنة ياحليلا
للجمرة والكانون زميلة
الحاجة للاولاد كفيلة
ماهرة ست شاي وقديرة
والسلوك راقي وأصيلا
ما بتفكر في جريرة
وما ابتهين شرف القبيلة
(وهل تذكرت القبيلة
تَحصِن الأولاد تعيلا)
لا صديق بي لقمة يلفي
لا رفيق لي عطشة يطفي
تسعة والوالد مفارق
والوالدة للاسواق تساسق
ولعنة الاسواق تلاحق
والرزق ممحوق وماحق
وللضرورات ماهو لاحق
واليتيمة قوامها شاهق
يومي للوالدة ابترافق
نظرة واغراءات تلاحق
ولسه بتقاوم أميرة
عام وعاشر ويوم وليلة
وللزباين ألف حيلة
ومرت السنوات تقيلة
والدة مشغولة وكسيرة
والقبيلة !
ما بتجيب خبر القبيلة !
ودولة مشروعات عليلة
وللزباين ألف حيلة
طرفة واغراآت تقيلة
والنفيس إنهد حيلا
خارت وانهارت أميرة
وقررت تقع الرزيلة
واختلت طايعة وهزيلة
وناس مكافحة الرزيلة
جاهزة تنقذ كل ضليلة
وليها معلومات غزيرة
وانتشار قوات كبيرة
وقبل ما تهلك أميرة
والجريمة تكون خطيرة
وأم تولول مستجيرة
ناس مكافحة الرزيلة
قامو بي ضبط الجريرة
ورجعوا الانفس جميلة
إلا لسه الاُم كسيرة
دنيا لما تشيل رفيقك
البآزرك والبطيقك
الحزن بزرع دريبك
والليالي تنوح تِشيبك
الصبر بِشفيك يطيبك
بيهو جلِد عنقريبك
وخلي عطر التقوي طيبك
عبد الله عبدالرحمن عبدالله
|
|
 
|
|
|
|
|
| العنوان |
الكاتب |
Date |
| مهرجان الشاي .. | سمرية | 05-11-09, 07:26 AM |
| Re: مهرجان الشاي .. | سمرية | 05-11-09, 07:28 AM |
| Re: مهرجان الشاي .. | سمرية | 05-11-09, 07:34 AM |
| Re: مهرجان الشاي .. | سمرية | 05-11-09, 07:43 AM |
| Re: مهرجان الشاي .. | سمرية | 05-11-09, 07:46 AM |
| Re: مهرجان الشاي .. | سمرية | 05-11-09, 07:50 AM |
| Re: مهرجان الشاي .. | سمرية | 05-11-09, 08:05 AM |
| Re: مهرجان الشاي .. | سمرية | 05-11-09, 08:10 AM |
| Re: مهرجان الشاي .. | سمرية | 05-11-09, 08:21 AM |
| Re: مهرجان الشاي .. | سمرية | 05-11-09, 08:29 AM |
| Re: مهرجان الشاي .. | BitAlhana | 05-11-09, 08:24 AM |
| Re: مهرجان الشاي .. | سمرية | 05-11-09, 08:33 AM |
| Re: مهرجان الشاي .. | سمرية | 05-11-09, 08:50 AM |
| Re: مهرجان الشاي .. | سمرية | 05-11-09, 09:06 AM |
| Re: مهرجان الشاي .. | سمرية | 05-11-09, 09:13 AM |
| Re: مهرجان الشاي .. | سمرية | 05-11-09, 09:19 AM |
| Re: مهرجان الشاي .. | سمرية | 05-11-09, 09:24 AM |
| Re: مهرجان الشاي .. | سمرية | 05-11-09, 09:58 AM |
| Re: مهرجان الشاي .. | سمرية | 05-11-09, 09:59 AM |
| Re: مهرجان الشاي .. | سمرية | 05-11-09, 10:01 AM |
| Re: مهرجان الشاي .. | سمرية | 05-11-09, 10:30 AM |
| Re: مهرجان الشاي .. | مدثر محمد ادم | 05-11-09, 04:21 PM |
| Re: مهرجان الشاي .. | سمرية | 05-13-09, 07:44 AM |
| Re: مهرجان الشاي .. | سمرية | 05-14-09, 06:31 AM |
|
| |
سمرية
فيس بوك
تويتر
انستقرام
يوتيوب
بنتيريست