|
ضاع معاك زمن الوسامة .. يا مصطفى !!
|
ابداك من وين ؟؟
ومحل اقبل يلاقيني صداك ... وصوت جاي من بعيد .. ( الليلة مات ) .. جانا الخبر جانا البلا .. ( حبيبنا مات ) !!
صدقنا انك ممكن تموت .. او تموت الاغنيات .. صدقنا انك رحلت .. ورحلت حزين .. كمان !! صدقنا انك .. واقف براك !!
***
ابداك من وين ..؟؟
ومن يأتو غنوة .. ادخلك ؟؟
من ( عد فات ).. ادخلك .. ؟؟
ولا من .. ( القاك وين ) ... ؟؟
***
يا مصطفي ..
مطر الحزن عاود هطل ... جدد عذاب الارصفة ..
يا مصطفي ..
على بابك نهارات الصبر واقفات بداية الدنيا هن واقفات وكم ولهان وكم طائر بعد نتف جناحو وراك لملم حر ندامتوا وفات قطع شامة هواك من قلبوا إلا هواك نبت تاني وعلى بابك وقف تاني
يا مصطفى ..
ألقاك وين .. كان الفرح قفل مسامات الضياع غناك مزمار الزمن إرشيف عشق .. اصوات نغم وتر التراخى موشحات .. القاك وين .. من غبت.. ما شرقت شمس والدهشة ساساق الدروب .. لى وين تمش...
يا مصطفى ..
طوريتك في الطين مرمية وطوريتك يابسة ومجدوعة لا غيبتك كانت مرضية ولا فوتك كانت مبلوعة
يا مصطفى ..
من بعد ما عز المزار والليل سهى وملت نجوموا الانتظار والشوق شرب حزن المواويل وانجرح خاطر النهار وبقيت اعاين في الوجوه واسال عليك وسط الزحام قبال اتوه يمكن الاقي البشبهك
يا مصطفى ...
عــد فات زمن العيون الالفة والحضن الملاذ ورهافة الحس البلون ضحكة الناس العزاز بعد الحنان الكان زمان استوطن المطر الحراز روح زماني وفي رجاك عانيت قساوة الانتظار في ضل شبابيك السفر صادقت ليلات المواني الساكنة في بحر الأماني بتنتظر لو يوم طيوف لحظ تفوت تعبر خيلاتك تمر
يا مصطفى ...
صاح إنتباهك في الزمن لما أصطفاك قدر العصافير الرحيل غدر الشِباك شوك المتاهات الدوار
يا مصطفى ..
اسف بعدك حروف جفت جدال الماضي دمعت خد غفل طرفك صرخ يا ليل سرق عشقك صباحاتي شتيل احساسنا مافرهد رحل صوت المغني حزين ولسه الصوت صراع زمني مواعيد عشقي ما بتنهد
يا مصطفى ..
عارفني منك لا الزمن يقدر يحول قلبي عنك .. لا المسافة ولا الخيال يشغلني منك وتحرمني منك .. والمواعيد لا بتجيب منك تودي لا الشجن قادر يجيبني عليك اعديي لا التحايا ولا المشاعر الحية في جوا الحنايا لا رسالة تجيني منك لا خبر طمني عنك
يا مصطفى ..
صابرين يا حزن الغنى .. صابرين من بعد الضنا .. صابرين على وعد المنى برجاك يا ارض الحبيبة وبلقاك في الفرحة القريبة
يا مصطفى
لا ليل ولا حزن طائل لا صبر ولا دمع سائل لا هم جاك يا ام نفايل والنيل فاض وانحنى
صابرين..
يا مصطفى ..
سلامات عشرات حبابك سلامات اسلم شبابك سلامات شايل سحابك سلامات والقبلي شابك سلامات خيرك سنابل
سلامات .. يا مصطفى ..
*** 17 يتاير 2009
|
|
|
|
|
|
|
العنوان |
الكاتب |
Date |
ضاع معاك زمن الوسامة .. يا مصطفى !! | سمرية | 01-17-09, 11:16 AM |
Re: ضاع معاك زمن الوسامة .. يا مصطفى !! | سيف بخيت موسي | 01-17-09, 12:04 PM |
Re: ضاع معاك زمن الوسامة .. يا مصطفى !! | سيف بخيت موسي | 01-17-09, 12:15 PM |
Re: ضاع معاك زمن الوسامة .. يا مصطفى !! | محمد سنى دفع الله | 01-17-09, 12:23 PM |
Re: ضاع معاك زمن الوسامة .. يا مصطفى !! | بدر الدين الأمير | 01-17-09, 12:45 PM |
Re: ضاع معاك زمن الوسامة .. يا مصطفى !! | بابكر عثمان مكي | 01-17-09, 02:23 PM |
Re: ضاع معاك زمن الوسامة .. يا مصطفى !! | سمرية | 01-17-09, 03:01 PM |
Re: ضاع معاك زمن الوسامة .. يا مصطفى !! | باسط المكي | 01-17-09, 03:10 PM |
Re: ضاع معاك زمن الوسامة .. يا مصطفى !! | سمرية | 01-17-09, 06:35 PM |
Re: ضاع معاك زمن الوسامة .. يا مصطفى !! | سيف بخيت موسي | 01-18-09, 07:20 AM |
Re: ضاع معاك زمن الوسامة .. يا مصطفى !! | سمرية | 01-20-09, 10:25 AM |
Re: ضاع معاك زمن الوسامة .. يا مصطفى !! | انعام عبد الحفيظ | 01-18-09, 02:16 PM |
Re: ضاع معاك زمن الوسامة .. يا مصطفى !! | سمرية | 01-20-09, 11:31 AM |
Re: ضاع معاك زمن الوسامة .. يا مصطفى !! | Sahar Yousif | 01-18-09, 03:10 PM |
Re: ضاع معاك زمن الوسامة .. يا مصطفى !! | azhary awad elkareem | 01-18-09, 05:32 PM |
Re: ضاع معاك زمن الوسامة .. يا مصطفى !! | أنور سيد ابراهيم | 01-18-09, 06:24 PM |
Re: ضاع معاك زمن الوسامة .. يا مصطفى !! | nadus2000 | 01-20-09, 11:25 AM |
Re: ضاع معاك زمن الوسامة .. يا مصطفى !! | سمرية | 01-21-09, 08:14 AM |
Re: ضاع معاك زمن الوسامة .. يا مصطفى !! | سمرية | 01-20-09, 12:24 PM |
Re: ضاع معاك زمن الوسامة .. يا مصطفى !! | سمرية | 01-21-09, 07:37 AM |
Re: ضاع معاك زمن الوسامة .. يا مصطفى !! | خالد ماسا | 01-20-09, 11:51 AM |
Re: ضاع معاك زمن الوسامة .. يا مصطفى !! | مصدق مصطفى حسين | 01-20-09, 12:55 PM |
|
|
|