مابين البروف النعيم والأستاذ خالد الحاج. أين يقف الأخوان الجمهوريون ؟

Quote: 5- (نحن في ناس طلعوا من مجتمعنا!! في جمهوريين طلعوا، ولا يزالوا يطلعوا!! وراح يطلعوا!! دا عيبنا ونقصنا نحن فيهو.. نحن القياديين، أننا ما استطعنا أن نظهر أنو الأمر دا دين، وهو (الدين) ومافي دين غيرو!! وأنو البيخرج منو بجيهو راجع، ولو مات على غيرو مات على سوء الخاتمة!! وبجي في برزخو بيعذب، وفي النار بيعذب، ولابد يجي للأمر دا.. ما استطعنا أن نبرز أنو الدعوة دي هي الإسلام اللي قال عنو ربنا (إن الدين عند الله الإسلام).. ما استطعنا أن نجسِّد أنه هذه الدعوة هي الدين اللي قال عنو ربنا (و من يبتغي غير الإسلام دينا فلن يقبل منه وهو في الآخرة من الخاسرين) الناس الطلعو مننا طلعو مننا لاعتبار أننا نحن دعوة دينية وفي دعوات دينية تانية.. نحن جماعة وفي جماعات تانية.. دا تقصيرنا نحن لو كان نحن جسدنا أنو الموضوع دا مافي غيرو، ما بطلع زول.. ولسع راح يطلعوا ناس أحسن تخلو بالكم من أنو نحن مسئولين عن الناس البيطلعوا لتقصيرنا نحن في أن نبين أنو الأمر دا البيخرج منو مغفل، جاهل.. وتجسيد الأمر دا بيقنع الناس، إذا كان الواحد بيعرف أنو الأمر دا، كان مشى بيجي كراعو في رقبتو، ما بمشي، لكن هو بفتكر أنو في جماعة، أو جماعة جمهورية، وفيها أخطاء كثيرة جداً.. (من حديث الأصيل)..