إستفتاء حول بقاء د. صلاح بندر على قائمة الأعضاء هنا (نعم أو لا)

Quote: Quote: لو سمحتو يعني: كل زول قبل ما يجي بعد رشفة من كوب شاي أمامه و استعدال نظارته و سن الكيبورد عشان يكتب، ليضع نفسه مكان المتضررين و بعدين بنرضى بحكمه!! لنا سلامات يا لنــا أنا لما رديت الوكت داك ولا فطرته زاتووو ناهيك من اني اشرب الشاي .. وأنا خلقه كدا بشرب كبايتين شاي قبال الفطور وكباية ونص بعد الفطور .. يا لنـا بالنسبة للضرر .. معظم الناس الدخلت هنا والقرت كلام البندر الكتبو في حق الناس ما راضي بيهو وما بيرضى بيهو زول سوي .. لكن كمان شن الفايده لما يجي انور كنق يفتح ليهو تصويت علشان الناس تقول ايوه شيلو البندر من هنا دا والمعائير شنو البيحكم بيها التصويت دا ؟.. خلاص يعني وصلتو مرحلة ديمقراطيين خالص خالص كدا ؟ طيب لو اصلو انتو ديمقراطيين وبتعجبكم الممارسات الديمقراطية ليه بتكتبو وتعبروا عن رائكم في بورد مبني على وأد الديمقراطية ويتحكم فيهو فرد واحد بكل ديكتاتورية بيعمل حاجاتو الفي راسو ..؟ تطالبوا بي ديمقراطية من أجل قوانين تضمن حقكم وحق البقية واللا كمان تطعنو في ضل الفيل بي نفس الحربة بتاعت الديمقراطية ..؟ طيب نفس الكلام دا ممكن السيد البندر الحاوي دا ممكن بي كل سهولة ويسر بي النعم بتاعتكم دي يمشي من هنا ويكتب نفس الكلام دا ويزيد عليهو كوزين تلاتة في اي موقع تاني ممكن يرحب بيهو .. هل أمكانية التصويت دي وقتها ح تكون متاحة ليكم في المنابر التانية دي علشان تشيلوهو بي نعم أو لا ؟ وهل بي نفس الفكرة الناس البتقولي اتضرروا أو الضحايا ديل وهم خارج المساحة دي .. ترى هم ليهم حق التصويت من أجل اقصاء البندر من المكان دا ؟؟ تبا لديمقراطية .. ودكتاتورية المنبر العام بسودانيزاونلاين .. الاتنين مع بعض كدا .. اسلوب الاقصاء والتكالب دا مرفوض .. مرفوض وكلكم مجربنو المساحة دي مفتوحة وكل واحد يكتب حسب تربيتو وحسب سلوكياتو وحسب مفاهيمو واخلاقو .. وللمرة المليون اللائحة هي الفيصل .. طالبوا بتفعيل لائحتكم وخليكم من نظام الصالح العام القايمين فوقو دا ..