الجعلي ود العمارات، يعود بنا خمس سنوات الى الوراء!!! أركز للبطان بالمدافع!

Quote: سلامات وعوافي الاحباب جميعا.. كل سنة وانتو طيبين .. انور .. اول شي قبل ما نجوط مع بعض بقول ليك كل سنة وانت واقبال والاسرة الكبيرة والصغيرة بالف خير .. وانا ح اتبع اسلوبك في ردك علي الزميل اشرف اتمنى انو يوصلني للحتة العاوزك تعرفا .. ... يا انور انت موسع الشغلا شوية كدة وكابي ليها كم جك موية .. ياحبيب انت ليس رسولا للانسانية .. وانت لست مصلح العالم .. في هذا المنبر تحصل امور اقل مايكمن ان نقوله عنها انها "تافهة" لا تصدر من بشر .. فاين موقفك انت من ذلك ... Quote: يلا يا شباب... عايزين نتعرف علي كل الجعليين في المنبر.. اصولهم واماكن ميلادهم.. و....ايميلاتهم... بطلوا خجل وشاركوا معانا!!! الزول دا قصدوا بريء جدا جدا من البوست دا وريني وين العيب في الكلام دا ..الاقتباس الانت جبتو بتاع الانفصال والتشرزم دا كان ردت فعل طبيعية لهجمة عدد من الزملاء علي فكرة البوست غير انهم لم يفتحوا بوست خاصة لتجريح صاحب البوست ولا سبه او الاستخفاف به .. انا شايفك عاوز تركب موجة انك ليبرال علي الاخر وانساني والشغلا دي لا عندك ليها لغة ولا سلوك ولا تاريخ .. فياخي خلي الجعليين يتجمعوا بي طريقتم وخلي الدناقلة بطريقتم وعيش انت حياتك بي طريقتك .. وما تجي تفرض حاجاتك ونظرياتك علي الاخرين .. ناس الشمال قالوا عاوزين يعملوا تجمع عشان ينفصلوا ..ماقلتا حاجة وما كتبت بوست تنقض فيهو الكلام دا.. ناس الجنوب قالوا عاوزين انفصال هنا في المنبر دا ..ماكتبت ولا قلت حاجة .. ناس الجزيرة قالوا يعملوا تجمع ابناء الجزيرة يطالب بي حقوقهم بالحسنى او الحروب ..ماقلت حاجة ولا سمعنا صوتك .. ناس الشرق قالوا يا فيها يا نطفيها ..ماقلت حاجة ولا سمعنا صوتك .. ناس الغرب خشوا ام درمان قالوا لي الانقاذ: "عشان تأآمني"..ماشفنا منك التكتح .. ثم جاي عامل فيها انساني ورب الانسانية .. وانت بوستك مقتول من عنوانو .. الجعلي ود العمارات .. استخفاف دا بي انسانيتو وانتماءاته مثلا .. يعني انت افهم منو ولا اعقل منو والا اكبر منو ولا شنو يعني .. الجعلي ود العمارات .. ازدراء بيهو يعني وتضليل للقاريء في انو زي اولاد العمارات ديل ماعندهم حق يتكلموا ولا ينضمو ذاتو .. انت عجيب ومعاييرك عجيبة يا انور .. ياخي الزول دا انت جرحتو جرح يحتاج للاعتذار والله انا بشوفوا زول متصالح مع نفسو واخلاقو كويسة يعني ما ردا عليك نوع الرد الوسخان الطالع موضة جديدة الايام دي .. بعدين جاي تحشش بي تبرعك والا كيف .. في داعي تذكر انك متبرع بي 612 دولار بتسددها كل شهر .. افسدتا عمل خيرك بي ايدك.. ما كان ممكن توصل المعلومة دي من غير ما توري انك بتتبرع للاطفال .. انت قصدك منو يعني بي ذكرك للامر دا .. داير تعمل لينا فيها بتاع "paid forword" يعني يا جماعة شوفوا انا "بباطن" ياسر طيفور دا بي شنو .. وشوفو فهمي للبطان كيف ..يازول انت وازن نفسك شوية وتعال كبها لينا هنا ..ماتجيني "تترتح"..وتقيم في الناس علي كيفك وتفصلا علي كيفك ..ياخي انت لسة ولد سغير ممكن تتعلم من غير ما تكون عندك مرايا .. شنو خاتي وصلت موقعك وبي كل وقاحة قايل ليهو "أخد ليك لفة في الموقع الفوق ده...وبنجيك راجعين ندورك تاني...." انت مكنيكي يعني والا شنو ..وتدوروا كيف يعني و ليه ؟..انت قصدك تقويم فكرتو والا تدويرو ؟ ..انت قاصد شنو وعايز تصل لي شنو بالتدوير.. يعني هدفك بس تعمل ليك جوطة كدة وغبار باللف والدوير مثلا يعني بقول مثلا .. يا انور انزل شوية عليك الله ..وعليك الله ماتبقا متلقي حجج الزول دعى الجعليين زي ما الناس بتنادي كل حسب هواه في المنبر الراجل برضك عندو حقوقو البتسمح ليهو يعمل كدة ..ومعالجتك لي اخطاء اشرف كانت معالجة ضعيفة وفجة تبين ضيق افقك وقلة تجاربك ..لانو لا دا الاسلوب ولا دي الطريقة ولا حتى دي اللغة .. طور نفسك في الحتات دي وبعدين تعال لينا "ولو سمعت كلامي ركز في قرايتك احسن ليك لانو شغلت الحوار والنقاش والمفاهيم دي علي حد معرفتي بيك واللي عمرها يزيد عن 5 سنوات في هذا المنبر ما اظنك تصل لي اي نقطة في صالحك بعكس القراية يعني انت فيك مشروع زول قراي ومعلم وكدة مؤهل لي انو يكون اصغر بروف في افريقيا والوطن العربي واهي برضو تكون فرصة ليك لتقديم الجديد بدل ماتكوس "تدور الناس" .." .. انزل شوية واحترم عقول الناس دي .. وطالما انت عامل فيها زول انساني بتمنى انو ربنا يرزقك اخلاق الناس الطيبة وانسانية .. والانسانية سلوك وقيم ومثل تتجسد في الشخص في نفسو اولا ثم من بعد ذلك تنعكس علي الاخرين ..وبصورة الطف من همس النسيم .. الانسانية محتاجة لي ماعون نضيف عشان يسقي كل الناس .. وعمل الخير بيحتاج لي اكتر من 612 دولارك ديل .. عمل الخير احسن حاجة فيهو اطهر حاجة فيهو انك تعملوا في السر ولو دعيت ليهو الناس الاخرين ادعوهم من غير ما توريهم انت عملتا شنو ما خلاص هو عمل خير يعني لو لقطتا القروش ساي بيكون عمل خير .. وسع فكرك شوية يا انور وما تنفعل في الرد علي الناس .. هناك مواضيع مكتوبة في المنبر دا بتعرف روحها بالنظر ليها وقراتها براحة وبتعرف الخط العاوز يشوت فيهو الكاتب ..يعني بتتفهم لو فيها خبث او مكيدة او عفوية وبريئة ..مادايرة اجتهاد كتير .. . . . . . اها رايك شنو في مداخلتي دي ؟ وانشاء الله ربنا يديك ويزيدك ويعلمك تنفق في السر .. ثم تقبل محبتي وسلامي .. كما انني ادعوكم لقبول دعوة الزميل امبدة .. الدنيا دربها قصير اخير الناس تمشيهو بالمحبة ..