أليست هذه عنصرية!!

كنّا واقفين وين, وين؟ أيوة

Quote: يا ود البشرى رائي فعلاً متواضع لكن ليس في تواضع فكرة تحاول ان تلوي عنق الحقيقة وانا والله بكل صراحة يا ود البشرى ما شايف فرق بين حدة كتابات سيف وخلطه للاوراق وبين البوست ده اطلاقاً كل منكم يقف موقف المصطف حول قبيلته او محيطه الجغرافي بطريقة او باخرى وده اهم ما نجحت فيه هذه السلطة وحقيقة لم اشاهد لك اي موقف ضد العنصرية وهذا ايضاً لا يعنيني في شي ولا مسوق يدعوني لاتهامك مثلما فعلت انت بهذا البوست كسرة طيب انت لو البوست عاملوا لعدم شوف البعض هنا ما تناديهم بالاسم بالله مش كان احسن من الجهجة دي وتعمل ليك بوست وقومة وقعدة وما تعرف تخيطه من وين اقتراح جادي والله انا شايف احسن تجيب مشاركات العضو ده من خارج المنبر ممكن تعينك

فإن بقيت شايف فكرة البوست متواضعة فا شنو .. جيد ليها و انعم بها من فكرة هههه

وأنا البوست زي ما قلت فوق أعني به التعامل ابو مكاييل متعددة مع المسالة العنصرية في البورد وفي نفس الوقت قلت ما عايز اخصص فلان ولا علان لكي لايصبح الموضوع شخصي او كأنه رسالة مخصصة للبعض وفضّلت التناول العام, إن شاء الله بس ما يكون عندك مانع وكدا :)

صدقت يا حامد بدري, كيييف يفتح البوست الرمادي الغيّاظ دا هههههههه

لكن زي ما عارف قد تنكر العين ضوء الشمس .... إلخ و لا يمكن تغطية الشمس بغربال وكدا

Quote: طبعاً بما لا يدعو مجالاً للشك

علي اليمين بتبالغ يا ابا روضة

Quote: العنصرية لا تكون بالقول انما باجراءات تتخذها دولة ما تنتقص و تستهدف عناصر و اعراق معينة في الدولة

لكن ما جرت عليه العادة و العرف في البورد هنا ان للعنصرية وجوه أخرى, ولا علاقة لها بالدولة أو الإجراءات, تحقير واحد للتاني بسبب عرقه و اصله دي عنصرية راسها عديل يا بروف

ما ولول و ندب به هذا النائحة المستعارة في قوله ان أهل الشمال ليسوا بأهل قتال بكل محموله الاجتماعي المعروف كان سألتوا ليه ح يقول ليك لأنهم أهل الشمال و بالتاكيد يعني قبائلهم التي اصلها من الشمال

يعني هنا وصفه التحقيري لهم كان بسبب أصولهم

طيب, في لعادة هذا النوع من التحقير المؤسس على قبائل الناس و جهاتها الجغرافية واصولها يجد الاستنكار و دق الطار من الكثير من دعاة محاربة العنصرية, وهذا شيئ جيد ولا شك, السؤال و الاستغراب في اي الطار و اين النوبة من هذا التحقير العنصري اليوم؟

هلا حمد

مش كدا بالله !

نواي .. سلاما

Quote: أي تقليل صريح او إذدراء او احتقار لفئه ما يجمعها رابط إثني او جغرافي هو عنصريه صريحة لا تقبل الجدل .. سيبونا بالله من شغل الطبطبة والإعتذاريات ده .. ناس كتيرة هنا بتشوف فقط حتة المعايرة باللون او التلميح بها ..

يا عبدالله.

Quote: ود البشرى ,,,,,,, سلام ,,,,,,, ياعم تنميط شنو ,,,,,, دي عنصرية كاملة الدسم ,,,,

وعليكم السلام يا هندسة

لا يغالطوك كمان هههه

في حين لو انعكست الآية وكان الموصوفين أهل الغرب أو الجنوب مثلا إلاّ يمرقنك رجليك :)

هلا بالصادق الغواصة :)

Quote: افتراضك من اساسه خطأ، لأنك داير تشوفه بالمقلوبيعني لو الكلام اتقال بالعكس وقاموا ناس الطرف الآخر قال دا عنصرية هل دا بيعني إنه عنصرية؟ السؤال مفروض من الأساس يقوم على المقولة دي ذاتها هل هي عنصرية ولا ما عنصرية؟يعني بصرف النظر عن (معكوسها) ورأي الناس فيها. هي تعميم ومحاولة تنميط لا يقف على ساقين وتفاخر موجود حتى في الأغاني والشعر لكن عنصرية ما أظن لانه ، وهو اتهام باستغلال الآخر، يعني لسه ممكن هو نفسه يقولالكلام دا نابع من عنصرية الشماليين زي ناس ابو لهب زمان بيرسل عبيده يكاتلوابدل منه

يا سيدي الافتراض - إن كنت تعني مقولة ان أهل الغرب ليسوا بأهل علم.. إلخ - هذه جاءت في معرض ضرب المثل و الرد على الأخوان القالوا ما في عنصرية في العبارة موضوع البوست

هي ليست اساس ولا افتراض

الجزء الأخير من تعليقك برضه مبتور, لأنك تناولت حتة يستعينون أو يكرون القبائل الرعوية, لكن اغفلت الجزؤ الأول و هو الفيه العنصرية الصريحة و التحقير الذي لا خفى, كون ابناء الشمال ليسوا بأهل قتال.

Quote: يا ود البشرىكل ماذكر اعلاة ليست بعنصرية.انت لو كنت صبرت شوية.....كنت قلت ليك العبارة رقم ثلاث.....لكن محظوظ تختف الكلام من خشمى.

يعني عايز تقول ان العبارة الأخيرة فيها عنصرية و العبارتين الأوائل ما فيهم حاجة؟ إن كان ذلك كذلك فا شنو... سلاما :)

هلا بريمة

ياخوي انا لا ارى مشكلة في ان تقاتلون مع الجانب البتختاروه دا قراركم, انا احتج على وصف اهل جهة جغرافية بأنهم ليسوا بأهل قتال و يمر الموضوع دا عادي في حين تقوم القيامة لو تبدلت الأدوار

هل للعنصرية اكثر من وجه؟

Quote: عنصرية وعنصرية بغيضة وحقارة عديييبل

مش كدا يا ود الشيخ!

سلامات يا حافظ