|
Re: عازة يا الكبرتوك ... "الشعوب" فاتوك ... (Re: محمد حيدر المشرف)
|
بت الشيخ وعليكم السلام وجمعتك مباركة Quote: الخطاب الدينى دا بسببو ماتو الاف الشباب ابان حرب الجنوب وفى كل مرة بكون فى ثوب جديد .. من ناحية متمكن من وجدان الناس متمكن ودى ما دايرة اتنين تلاتة وخلا الناس زى العايشين فى غيوبة |
أنا زاتي قلت كدا المعاناة المعيشية غير عادية ومن قبل كانت تخرج المظاهرات عفوية وتلقائية لنقص وزن الخبزز فقط أو لإنقطاع الكهرباء فقط مظاهرات زهج ومطالب لاسقوف مرتفعة لها اسي دي زاتها ما بتحصل افتكر هو التفسير المنطقي تخويف الناس من قولة يمسكوكم الشيوعين و الكفار و يشيلو الشريعة ويقفلوا المساجد ويفتحوا البارات لكن دا برضو مفروض ما يمنع الناس ترفع صوتها برفض الفساد و الغلاء واعادة الدعم في اطار النظام الحالي دا زاتو بي شريعتو وبي خطابو الديني لحظة الحوجة الحقيقية الناس مرقت في الجريف وفي الكلاكلة وفي فداسي احتجاجا على عدم وجود المطبات و الإشارات وتكرار الحوادث طيب المشكلة وين ؟
انتي الإقتباس ما شغال عندك ولاّ كيف؟
Quote: هي تؤمن بنفسها فقط ولاتبالي انشاء الله الشعب يحرق مادام الامن (اكثر بند للمنصرفات في ميزانية الدوله) تمام اي شئ مقدور عليهو |
أخ يا نجلاء من حكاية ميزانية المن و الدفاع تلتهم سبعين في المية من ميزانية الدولة على حساب التعليم و الصحة ليه ياخ ليه سيدنا عمر قيل فيه عدلت فامنت فنمت انا لو محل الحكومة دي وبعد عرفت الوزن الحقيقي لناس " يريد اسقاط النظام" كنت وجهت جهودي وميزانيتي بدل تروح في الأمن لرفع المعاناة عن الشعب و دعم علاجه و تعليمه و توفير على الأقل متطلبات الحياة الأساسية ما دام ديل هم المنهم الخوف الحقيقي لو اتحركوا لكن تقولي شنو بس لسوء الحظ الشعب أني لست كذلك
وعليكم السلام يا جنابو و جمعتك مباركة خليها ثورة السودانيين ذات السقف المرتفع - أو اللا سقف - وين التذمر العادي دا من ضيق الحال منو في جيلنا دا ما كان بطلع كل سنة في مظاهرات المدارس ايام نميري هل كانت بتحركها الأحزاب ؟ بالليل الكهرباء قاطعة اولاد الحلة مافي موضوع بنجيب لستك نحرقو في نص الزلط نرجى البوليس نقلقوا و نجري و خلاص تاني يوم في المدرسة تلاتة اربعة شباب من اولاد العالي يجوا يهتفوا و تلاتة اربعة حجار في الزنك صفافير بتاع ها ها ها مظاهرة و طلعت اسي الكلام دا نهائي ماف رغم انو الحال اسوأ - للامانة الكهرباء اتحسنت - لكن الوضع المعيشي اسوأ بالتاكيد Quote: يمكن ان ينجح فقط في اشعال الفتيل لكن بدون دعم الاحزاب وعضويتها سيخمد هذا الفتيل بااسرع مما تتصور وحتى الأن واضح ان احزابنا الكبيرة تقف على الحياد تراقب وتفاوض ونأمل ان نصنع بالمفاوضات ما صنعته الشعوب بالثورات حقناً لدماء الشعب السوداني. |
يا ريت والله أي حل للمعاناة المتفاقمة و المتوقع انها تداد سوءا خصوصا بعد انفصال الجنوب و إن كنت غير متفائل بأن الأحزاب الكبيرة ستضع المواطن في مقدمة اولوياتها فهي كانت في الحكم يوما ما ما شفنا منها همة في خدمة المواطن دا غير انو حقا ترجاه من الآخرين ولا بجي حقك تقالعه براك واحنا عندنا حق عند الحكومة حق في العيش الكريم حق في العلاج المجاني حق في التعليم حق في قوانين تحد من سلطات الشرطة والأمن حق في تطبيق حت القوانبن التي وضعتها الحكومة بنفسها وهي اول من خرقها الله غالب
ود المدير جمعتك مباركة Quote: ويبقى السؤال قائم أخي ود البشرى. الحصل للشعب السوداني شنو؟؟؟ |
حبيبنا حمور اجاد التعبير عن الموضوع دا ذات استيتس احنا كشعب بقينا يا ماعارفين حقوقنا شنو يا إما ما فاكرين زاتو انو عندنا حق عند الحكومة تخيل الناس تشتكي مر الشكوى وفي نفس الوقت يفتشوا العذر للحكومة و يقوليك البديل منو ناس أبو عيسى ؟ رحم الله العميري
يا ود حطب الله يا صاحب الطبقات حياك الله و ابقاك وينك يا رجل تساؤل البديل منو فعلا دا كلام حاصل ما نقدر ننكر وجود التساؤل دا لكن انا حديثي ليس عن المطالبة بالتغيير زي ما قلت فوق دي ليها ناسها انا قصدي العينو لي ولده بضيع قدام عيونو عشان ما عندو حق الجامعة و البطنش علاج السكري و الضغط عشان ما عندو و البطلع ولدو المدرسة بدون سندوتش او حق فطور عشان الالف جنيه بقت تجيب اربعة عيشات بس بدل خمسة و البخلي بتو تمشي كداري بالكيلو و الاتنين عشان ما عندو حق المواصلات يديه ليها معقول دا يسيطر على انفعالو و ضيقو من الحاصل بتساؤل البديل منو خليك من البديل, القاعد دا زاتو سمعوا صوتك انك متضايق من واجبو عليك يفرج عليك ضيقك ودا ما تفضل ولا منحة ياخي الحال بلغ من السوء درجة منسوبي المؤتمر الوطني نفسهم مفروض يطلعوا و يحتجوا قبل الباقين
اشتقنا نقرا ليك ياخ بطل الغياب
وعليكم الـ * و رحمة الله يا دكتور المشرف
Quote: ودا الحيحصل بعد المرقات الفاشلة دي تأكدت الحكومة انه الحبة ما بتجيهم.. من جنس ديل |
هي مالو يا بيان الحبة ما بتجيهم بعد دا ما يخافوا الله في الباقين طيب و يريّحوهم شوية او نوع من العرفان ساي طيب و رد الجميل كون الشعب خذل اصحاب الدعوات وما اشتغل بيهم الحكومة بغض النظر عن شرعيتها راع ومسؤولة عن رعيتها ساكت الأموال المختلسة البتجي في تقارير المراجع العام والتي يعلم الله ان كانت تسترد او تروح في باب التسويات و عفى الله عما سلف وخلوها مستورة كان اندعم بيها العلاج ساي كان الوضع اتحسن
|
|
|
|
|
|
|
العنوان |
الكاتب |
Date |
عازة يا الكبرتوك ... "الشعوب" فاتوك ... | محمد البشرى الخضر | 03-25-11, 10:31 AM |
Re: عازة يا الكبرتوك ... "الشعوب" فاتوك ... | Amira Elsheikh | 03-25-11, 10:44 AM |
Re: عازة يا الكبرتوك ... "الشعوب" فاتوك ... | Amira Elsheikh | 03-25-11, 10:46 AM |
Re: عازة يا الكبرتوك ... "الشعوب" فاتوك ... | نجلاء قرافي | 03-25-11, 10:53 AM |
Re: عازة يا الكبرتوك ... "الشعوب" فاتوك ... | omer osman | 03-25-11, 11:06 AM |
Re: عازة يا الكبرتوك ... "الشعوب" فاتوك ... | معاوية المدير | 03-25-11, 11:18 AM |
Re: عازة يا الكبرتوك ... "الشعوب" فاتوك ... | محمد عبدالله حمدنا الله | 03-25-11, 11:14 AM |
Re: عازة يا الكبرتوك ... "الشعوب" فاتوك ... | محمد حيدر المشرف | 03-25-11, 11:29 AM |
Re: عازة يا الكبرتوك ... "الشعوب" فاتوك ... | د.نجاة محمود | 03-25-11, 11:43 AM |
Re: عازة يا الكبرتوك ... "الشعوب" فاتوك ... | حمور زيادة | 03-25-11, 11:51 AM |
Re: عازة يا الكبرتوك ... "الشعوب" فاتوك ... | saadeldin abdelrahman | 03-25-11, 12:00 PM |
Re: عازة يا الكبرتوك ... "الشعوب" فاتوك ... | محمد البشرى الخضر | 03-25-11, 12:29 PM |
Re: عازة يا الكبرتوك ... "الشعوب" فاتوك ... | Sana Khalid | 03-25-11, 12:22 PM |
Re: عازة يا الكبرتوك ... "الشعوب" فاتوك ... | عاطف عمر | 03-25-11, 12:19 PM |
Re: عازة يا الكبرتوك ... "الشعوب" فاتوك ... | Amira Elsheikh | 03-25-11, 01:25 PM |
Re: عازة يا الكبرتوك ... "الشعوب" فاتوك ... | دينا خالد | 03-25-11, 04:09 PM |
Re: عازة يا الكبرتوك ... "الشعوب" فاتوك ... | nazar hussien | 03-25-11, 05:43 PM |
Re: عازة يا الكبرتوك ... "الشعوب" فاتوك ... | محمد إبراهيم علي | 03-25-11, 11:31 PM |
Re: عازة يا الكبرتوك ... "الشعوب" فاتوك ... | محمد البشرى الخضر | 03-26-11, 00:03 AM |
Re: عازة يا الكبرتوك ... "الشعوب" فاتوك ... | ABDELMAGID ABDELMAGID | 03-26-11, 07:39 AM |
Re: عازة يا الكبرتوك ... "الشعوب" فاتوك ... | nazar hussien | 03-26-11, 08:45 AM |
Re: عازة يا الكبرتوك ... "الشعوب" فاتوك ... | مهيرة | 03-26-11, 09:13 AM |
Re: عازة يا الكبرتوك ... "الشعوب" فاتوك ... | Amira Elsheikh | 03-28-11, 08:12 AM |
Re: عازة يا الكبرتوك ... "الشعوب" فاتوك ... | aydaroos | 03-28-11, 08:48 AM |
Re: عازة يا الكبرتوك ... "الشعوب" فاتوك ... | shammashi | 03-28-11, 09:39 AM |
Re: عازة يا الكبرتوك ... "الشعوب" فاتوك ... | عبدالكريم الامين احمد | 03-28-11, 09:55 AM |
Re: عازة يا الكبرتوك ... "الشعوب" فاتوك ... | طلحة عبدالله | 03-28-11, 11:35 AM |
Re: عازة يا الكبرتوك ... "الشعوب" فاتوك ... | حمزه بابكر الكوبي | 03-28-11, 12:02 PM |
Re: عازة يا الكبرتوك ... "الشعوب" فاتوك ... | shammashi | 03-28-11, 12:28 PM |
Re: عازة يا الكبرتوك ... "الشعوب" فاتوك ... | nazar hussien | 03-28-11, 02:44 PM |
Re: عازة يا الكبرتوك ... "الشعوب" فاتوك ... | محمد البشرى الخضر | 03-28-11, 08:37 PM |
|
|
|