بورداب الزمن الجميل ...

Quote: الزمن الجميل هو الزمن الخالي من المشاكل الجهوية والقبلية والعنصرية التي ظهرت بالبورد وبعض الالفاظ التي كانت غير موجودة بالبورد مثل جلابة وغرابة ومناتلين ومناضلين وغيره . في تلك الفترة كانت الحرب دائرة بين الجيش السوداني والحركة الشعبية والبورد به اعضاء من الحركة الشعبية وممثلي الحكومة لكن برضو كان نادرا تسمع كلام لا يتناسب مع جو البورد العام وكان الفصل ينال كل من تحدثه نفسه بان ينتهج اسلوب محرم بقوانين المنبر . بعدين كان المنبر في بداياته وزي مابيقولوا الجديد شديد الناس في الغربة كانت محتاجة لي حاجة تلم شمل السودانيين بعدين كانت المواقع السودانية نادرة جدا ده بالنسبة للزمن الجميل اما فيما يتعلق بالبورداب هم سودانيون معظمهم بالخارج ياتون للمنبر لاغراض كثيرة ومختلفة لكن في مجملها كانت اغراض جميلة وانسانية واخوية ، في سرعة البرق تم لقاء بورداب الامارات وبورداب الرياض وجدة والدمام وبورداب الخرطوم وتعارفوا فيما بينهم وبدات علاقاتهم في التطور .