قبل القرار .. (أوكامبو) مضطرباً...!!

Quote: هو أنحنا غير جامعة السجم دي ، الدخلونا فيها بالقوة ، الدخلنا في المآزق التاريخي دا شتو؟؟ كل يوم ناطي منهم سمسار يخمش من قدر القريشات العندنا ويضحك على الراجل الأهبل دا ، ما تخافش ياعم ، دا أحنا اتكلمنا مع بوش وآل ما فيش ماتع ، إنت بس اطمِّن : في اليوم التاني يجيك :شيخ" ملتحي ومادي كرشه و""يأبَض" عشان يبلغ قادة الدول الإسلامية "" اللي ما بيخالفلولوش"" آي كلام .. بتاعين حماس وعدوا يرسلوا "عناصر حماية"" واستلموا، اتحاد المحامين العرب جا وشاف ""الكرم العربي الأصيل"" واستلم . المهم كان مولد لكل المحتالين والسماسرة الدوليين دا غير السماسرة والزلنطحية المحليين : تصور واحد قال عايز 41 مليون سألوه ليي 41 ، قال عشان""ينزِّل"" شوف ينزل دي !! عشان ينزل يس في 41 جلسة وفي كل جلسة 41 مرة !! أخد ال41 مليون ومعاهم 10 قطع أراضي مساحة كل واحدة 410 متر!! صدقوني أنا ما عارف دي حسبوها كيف!! واحد اتعهد بأنه ينزل ليهم ""ربنا اكشف عنا العذاب إنا مؤمنون"" براها بس ، 5 مليون مرة في ليلة و احدة ، شوف جنس الكضب دا!! وطبعاً دا اكبر دليل إنه الجماعة ديل ما عندهم أي فكرة عن القرءآن وتلاوته المهم شيخنا، أو الحقيقة شيخهم براهم، جا الصباح بدرييييييييييييي واستلم 50 مليون واترورح حامد شاكر و...ما عارف شنو!! ودا غير ""الفقرا البروليتاريا "" الجايوهم عشان ""يقيموا الليل"" ، شبعوهم شاي بي لبن مع رزباللبن ولقيمات ، وطلعت الفاتورة 43 مليون و474 ألف جنيه بس !! وتقول لي يا كمال أوكامبو كان مضطرباً تحياتي