كاتبي المفضل

Quote: أها نحنا كاتبي دي مقاساتها ما معروفة، و للكتاب أن يطمئنو مافئ جوائز لا مادية لا عينية في نهاية المطاف وكان على كتابة السطر، ياما في الفيس بوك من مبدعين ، استاتسات في منتهى العمق و الجمال و القدرة الفكرة و الادبية

(لجانب المقابلبفارق بسييط انك ما اول تدخل لي بوست)

الفكرة الاساسية قلتها انت اعلاه ..
وكت مافي فائدة عينية -اقرأ نقدية .. الكاش بقلل النقاش- طيب اللوم لزومو شنو!؟
و من صائدن آخر، لو طلعت مظاهرة عديييل في المنبر العام دا تندد بيك كاسوأ كاتب .. بتقدم استقالتك من كتابة سطرك دا (في حالة ملاسي) او بتفط سطر و تكتب سطر (في حالتي المتأخرة في الاطناب دي)
ابداً .. يبقى الخوتة في شنو!؟
فضوها سيرة بقى!
و كل واحدة يصلح عربيتو!

ثم ثانياً ما قلت الا الحق في حق الفيسبوكاب .. مرة لقيت لي كتابة عميغة بشاااااكل!!
" في العوالم الافتراضية، اصدقاء بمشاعر حقيقية، باسماء وهمية .. و في الواقع ، اصدقاء باسماء حقيقية، و كتير من المشاعر الوهمية"
دا بلخص المسألة كلها في اعتقادي ..
دي حقيقة الفضاء السايبر كمعادل موضوعي لعالم حقيقي طارد
و ان كانت وسيلة تواصله (الكتابة) -في الغالب- فدا الخلق الربكة الانحنا فيها اسي دي
هل (الكتابة) دي بصفتها دي، ما عمل ابداعي!؟
مع جلال ما قدمته، سياسةً و فكراً، و تبادل ثقافي؟
اعتقد انها ثورة الكتابة الحقيقية .. و توسيع قاعدة المشاركة لتشمل كل من فك الخط في العملية الابداعية
انا منحاز للمستقبل ... تماماً
مش دي الاشتراكية البقولوا عليها هي!؟
ولى زمن الرسمالية المعرفية و الاحتكارات الكبيرة .. و اتهدت حصونها بالثورة المعلوماتية التكنولوجية


كؤؤد المودات حبيب ألبي


-----------

* قصة تعيين الوزارة و ابو عشرين دي ابحث عنها .. كررتها لمن فترت
حتى صنفت كاسوأ كاتب للعام دا .. و في حتمال الجايي ذاتو!