|
|
 Re: تستاهلوا يا الشيوعيين! والله صحى وصحي والله كمان! (Re: Deng)
|
دينق
كيفك?
"| Quote: هل تعتقد بأن ههنالك أي ضرورة أجتماعية قد تجمعك بمثل هولاء المجرمين؟ |
"
هناك ضرورة اجتماعية تجمع كل السودانيين في الغربة و تحتم عليهم التعاون من اجل مصالحهم مثلهم مثل اي جالية في العالم!
مثلا بناتي يذهبن للمسجد لتعلم الدين الاسلامي و اللغة العربية, هل تعتقد اني ممكن ابني مسجد عشان اعلم بناتي? ام تعتقد اني سامنع الاخرين من ان يأتوا بابنائهم لانهم من احزاب اخرى? و على الرغم من اني لا اعرف سوداني معروف بانه كوز في مدينتي, لكن اعرف ان في الجالية السودانية في مدينتي ساكرمنتو Sacramento-عاصمة كاليفورنيا و ديفس Davis عشرات السودانيين من كافة التوجهات نلتقي في الاعياد و المناسبات الاجتماعية و لا نسأل عن توجه اي حد. هذه اولا!
ثانيا يا دينق اذا كنت تعرف ان من في السفارة مجرمين, لماذا لا تفتح فيهم بلاغ لدى السلطات الامريكية!?
على الاقل لاستبعادهم!
" | Quote: وكيف تسمح لنفسك أن تتعامل مع من يتجسسون عليك وينتظرون الفرص والظروف لكي يكتبون عنك تقارير قد تضر بأهلك أو أسرتك في السودان؟ |
"
كلام عاطفي وبلا معنى يا دينق! اذا كانت كتابة التقارير عن السودانيين هي معيار التعامل, سأقول لك لا يوجد غير الشيوعيين ليتعامل معهم السودانيين, لان الكثيرين يكتبون تقارير لجهات مختلفة! و يتعاونون مع جهات معادية للسودان حتى قبل مجئ الانقاذ!
"| Quote: نعم الشيوعيون بواشنطن يتعاملون مع رجل أمن السفارة ويسلمون عليه بالأحضان ويلبون دعواته. وبوست الأنجيرة الشهير كان أكبر دليل على ذلك. ولقد كنت شاهدا بنفسي على دعوة رجل أمن السفارة لمجموعة من الذين يدعون المعارضة بواشنطن ورأيتهم يجلسون مع رجل أمن السفارة بنفس الطاولة ملبين دعوته لهم بتناول العشاء بمطعم أثيوبي بواشنطن ولقد كان من ضمنهم أربعة شيوعين معروفين." |
هههههههه يا دينق احبطتني ياخ!
انا خفت يكونوا بكتبوا تقارير برضو! يعني هم بس بسلموا بالاحضان?
يا دينق ياخ معقولة ياخ دي هي السياسة في واشنطن ان لا تسلموا على فرد? لا عجب!!!!!!!!
يا دينق, حتى داخل السودان الناس كل يوم بتقعد في صينية واحدة مع كوز او كيزان, و بتاكل معهم. و يا للهول ممكن يسلموا عليهم بالاحضان كمان, و يرفعوا ليهم الفاتحة!
معقولة يا ناس الكلام البقولو دينق دا? لا حول ولا قوة الا بالله!
يا دينق, انا دا في اول اسبوع جيت امريكا عزمنا اخ جنوبي-الله يرحمه توفي- اسمه بيتر عزمنا فطور رمضان. يا دينق عارف دا معناه شنو يا دينق? يعني الاكل في السودان ما محل مزايدة لا في الدين ولا في السياسة. وانا دا هسع لو لقيت كوز في مطعم ممكن اشيل اكلي و اقعد جمبو, و في النهاية احاول اسبقه ادفع ليه فاتورته, و لو سبقني دفع لن احزن لان دي واحدة من القيم السودانية الاصيلة يا دينق.
للاسف يا دينق انكم اخطأتم في حملتكم بتاعت الانجيرا, والتي اثبتت ان فهم السياسة لدى الكثيرين غير واضح, و معرفتهم بعادات و تقاليد السودان ضعيفة او ضعفت!
" | Quote: إذا أنت تستطيع أن تعمل مع هولاء المجرمين في الجالية خارج السودان، فلماذا خرجت من السودان و لم تعمل معهم داخل السودان؟ |
"
اولا صياغة للسؤال خطأ, انا لا اعمل مع مجرمين.
انا خرجت من السودان ليس هروبا من الكيزان, و انما خرجت كطالب دراسات عليا, و في السودان عملت في جامعة الزعيم الازهري كمحاضر, و كان معي في طاقم التدريس كيزان من مدير الجامعة الي العمداء الي مساعدي تدريس. فلو سمحت صيغ اسئلتك باحترام للاخر, و خليك عن العاطفية و محاولة استدرار التعاطف, فانا لست مجرم لاعمل مع مجرمين, و انما عملت مع سودانيين من اعلى السودانيين تعلما, وكان فيهم كيزان و ختمية و انصار و غير منتمين. و الان هناك الاف المناضلين في السودان يعملون في وزارات و مصالح داخل السودان وفيها كيزان و غالبا ما يكونوا في رئاستها فهل تطلب منهم ترك العمل لان هناك كيزان معهم في مكان العمل?
هناك ضرر كبير يحدث من طريق ممارستكم للسياسة بهذه الكيفية!
|
|
 
|
|
|
|
|
| العنوان |
الكاتب |
Date |
| تستاهلوا يا الشيوعيين! والله صحى وصحي والله كمان! | jini | 12-12-11, 00:07 AM |
| Re: تستاهلوا يا الشيوعيين! والله صحى وصحي والله كمان! | حيدر حسن ميرغني | 12-12-11, 00:20 AM |
| Re: تستاهلوا يا الشيوعيين! والله صحى وصحي والله كمان! | بدر الدين احمد موسى | 12-12-11, 00:49 AM |
| Re: تستاهلوا يا الشيوعيين! والله صحى وصحي والله كمان! | بدر الدين اسحاق احمد | 12-12-11, 05:26 AM |
| Re: تستاهلوا يا الشيوعيين! والله صحى وصحي والله كمان! | عبدالله احيمر | 12-12-11, 06:36 AM |
| Re: تستاهلوا يا الشيوعيين! والله صحى وصحي والله كمان! | jini | 12-12-11, 03:22 PM |
| Re: تستاهلوا يا الشيوعيين! والله صحى وصحي والله كمان! | الشامي الحبر عبدالوهاب | 12-12-11, 03:33 PM |
 Re: تستاهلوا يا الشيوعيين! والله صحى وصحي والله كمان! | قيقراوي | 12-12-11, 03:57 PM |
| Re: تستاهلوا يا الشيوعيين! والله صحى وصحي والله كمان! | Deng | 12-13-11, 01:46 AM |
| Re: تستاهلوا يا الشيوعيين! والله صحى وصحي والله كمان! | بدر الدين احمد موسى | 12-13-11, 07:37 AM |
| Re: تستاهلوا يا الشيوعيين! والله صحى وصحي والله كمان! | jini | 12-13-11, 08:03 AM |
| Re: تستاهلوا يا الشيوعيين! والله صحى وصحي والله كمان! | Deng | 12-13-11, 08:36 PM |
| Re: تستاهلوا يا الشيوعيين! والله صحى وصحي والله كمان! | Elbagir Osman | 12-13-11, 09:19 PM |
| Re: تستاهلوا يا الشيوعيين! والله صحى وصحي والله كمان! | بدر الدين احمد موسى | 12-14-11, 01:46 AM |
| Re: تستاهلوا يا الشيوعيين! والله صحى وصحي والله كمان! | Sabri Elshareef | 12-14-11, 04:01 AM |
| Re: تستاهلوا يا الشيوعيين! والله صحى وصحي والله كمان! | Deng | 12-14-11, 07:41 PM |
| Re: تستاهلوا يا الشيوعيين! والله صحى وصحي والله كمان! | بدر الدين احمد موسى | 12-14-11, 07:55 PM |
| Re: تستاهلوا يا الشيوعيين! والله صحى وصحي والله كمان! | Deng | 12-15-11, 04:45 AM |
| Re: تستاهلوا يا الشيوعيين! والله صحى وصحي والله كمان! | بدر الدين احمد موسى | 12-15-11, 05:52 AM |
| Re: تستاهلوا يا الشيوعيين! والله صحى وصحي والله كمان! | Elbagir Osman | 12-15-11, 06:09 AM |
| Re: تستاهلوا يا الشيوعيين! والله صحى وصحي والله كمان! | صلاح الدين نزلاوى | 12-15-11, 06:52 AM |
| Re: تستاهلوا يا الشيوعيين! والله صحى وصحي والله كمان! | jini | 12-15-11, 07:21 AM |
| Re: تستاهلوا يا الشيوعيين! والله صحى وصحي والله كمان! | بدر الدين احمد موسى | 12-15-11, 07:20 AM |
| Re: تستاهلوا يا الشيوعيين! والله صحى وصحي والله كمان! | Sabri Elshareef | 12-15-11, 04:56 PM |
|
| |
بدر الدين احمد موسى
فيس بوك
تويتر
انستقرام
يوتيوب
بنتيريست