|
Re: اعتذار حزب الامة لغندور (Re: علاء الدين يوسف علي محمد)
|
اها يا احونا عمر إعتذاركم اصبح مرفوض زى ما فهمنا من كلمة المستشار الرئاسى .
اها كيف الشورة ؟! غايتو إلا ترسلو واحد من قياداتكم الى دار المؤتمر الوطنى وياخد دقتو زى غندور وإنضرب بالحجارة والبراطيش وبعدها تطلعو درون .
يا ابو عمير ياخى القصة اكبر من دقت غندور . حزب الامة يخوض في وحل ازمة حقيقية ولن تحل إلا بتحجيم دور عائلة الامام المهدى داخل مؤسسات الحزب . وزمان قلنا ليكم جماعتكم ديل مافى طريقة لاصلاحهم وها هو التاريخ يشهد على قولنا . فمنذ ايام الراحل محمد احمد المحجوب الى خالد عويس . نفس المشهد ونفس المرارات وما اشبه الليلة بالبارحة .
السيد الصادق المهدى - مع احترامنا له - كقائد فهو ( منتهى الصلاحية ) وقسما يا ابوعمير لو تبارو الزول دا إنتو والحزب والعائلة كلكم إوديكم التوج .
ياخى معقول كل اللمة دى ما فيها صوت واحد شجاع غير ودالعمدة ؟ ياخى متين نسمع منكم زول واحد يقول ( ولو انى على حجر ذبحت لن اقول نعم ) !
غايتو بى طريقتكم دى بتلحقو آل الميرغنى وحزبه ( الاصل ) . اللهم لا إعتراض في حكمك .....
|
|
|
|
|
|
|
|
|