انت يا الحبيب ورطة حكومة ولدك دي ما شايفها يا ترى؟! موضوع الصراع مع الجنوب حول البترول الحينفجر يوم 6/ديسمر ده ساكت عنه مالك؟! ما تخلص النصيحه للتنابلة السلطان هؤلاء بانهم يطبظون عيونهم بايديهم؟!
الا تعلم ايها الوالد بانه البترول ده لو انقفل فان ابنكم وكل وزرائهم الوهم سيسفون التراب لانه لن يظل هنالك ما يسف من اموال؟!
نحن الشعب هينين ولغتنا العنيفه دي كما تصفها خليها! كدي الحق الجماعه ديل الوقت من ذهب وهذا امر خطير واحمق. انابيب البترول لو اغلقت ليوم واحد فان تنظيفها سيكلف المليارات! الم تسمع بذلك ولم تقرأ عنه؟!ساكت لي طيب؟!
اخوك الوالد الآخر الميرغني زول مسكين لكن انت يا ابو الثقافه و الاقتصاد و النمضي المقعد ما عارفه الكارثه دي؟!وما عارف انه اي حكومة وحده وطنيه او بطيخيه لن تصلح هذا الامر لو حدث؟!
وانه الجنوبين لو القيامه تقوم لن ينظفوا هذه الانابيب ثاني من قروشهم بل سيفضلوا بناء آخرى عابره لدول ثانيه؟! وانه السودان سيفقد الكثير ظلت الانقاذ او طارت؟!
الحق...الحق...يا الحبيب....انصح هؤلاء الاغبياء نحن هينين وشتاءنا الافريقي هين لم نلحق الربيع العربي لكننا في الشتاء الافريقي قادمين....ولا الخريف الاستوائي لا يهم...مهما تبشر برواندا او البوسنه!
كدي الحق اصدقاءك ديل قول لهم معقول ولد الامام ي ت و س خ بحكومة تفلس في اسبوع؟!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة