الخرطوم / عاصمة السخافة العربية ( يوجد قرف ) ..

Quote: يا قيقراوي بنفس القدر أسألك: طيب.. الشارع السوداني ما ثار ضد الاسلام السياسي ليه؟؟! مش أسباب الربيع كلها متوفرة في جو السياسة السودانية؟!!! عدم استجابة السودانيين لمقتضيات الربيع الموعود، رغم توفر جميع ظروفه، ماذا يعني لديك؟!!! المعارضة قدر عافرت التعشيقة، القصة ما جات معاها "إلا خلف" مش كدة وبس.. كمان هسع شايف ربيعنا السوداني أصبح متميز، وجاب ليهو ربيع علاقات مع الأمة والاتحادي!!! طيب بعد ده حتى لو في تخطيط لـ "ربيع" أو حتى "ليبتون".. من سيحركه وضد من سيكون؟!! ما تغشوا نفسكم يا قيقا... عدم الثورة يجب أن يتم تفسيره بدون لف ودوران، خاصة ان الشعب السوداني له ربيعيات سبقت الدول العربية عشان نمرق من حتة الخيار الواحد، خلينا نسأل: هل السودانيون راضون بهذا الوضع؟ أم أنهم كارهون لبقية الأحزاب، ويرون أن الرضا بالوضع الحالي أفضل؟! أم أن السودانيون كارهون للوضع، لكن الأحزاب عجزت عن تحريكهم؟!! غايتو أي اجابة ممن الفوق ديل تعتبر نصر للكيزان، لانها مدلولات الجواب ستدور ما بين رضا الشعب بأحسن القبائح، وعجز الأحزاب عن قيادة الناس

ثم ياخ قلنا ليك فصولنا ابداً ما فيها ربيع ذاتو ياخ!
و نحن ما عرب، عشان نحاكي!

ما سمعت بـ

الربيع العربي 2011
الصيف الاوروبي 2011 ( ارتفاع درجة الحرارة)
الخريف الامريكي 2011 (احتلال وول استريت)

اها نحن منتظرين (شتاء) افريقي دااافئ .. و بنحلم بالشتاء الدافئ مع مصطفانا
او تحول احد فصول (صيفنا) الاربعة لحر قائظ .. او جهنم مرة واحدة
المافي شنو هو!؟








-------

و الله السفه الكيزاني دا كان عاجب الشعب السوداني ما عارف!؟
في ذمتك البعملوا فيو الناس ديل برضي خلق و لّ خالق!؟

بعدين تسفيه احلام الناس بالحرية و الحياة الكريمة لازم كل هبات الربيع العربي
بعد انتصار ثورة الياسمين التونسية كتبت الناشطة المصرية في حركة 6 ابريل (سناء) في حيطتها في الفيسبوك :

مبروك للشعب التونس .. و عقبالنا يا رب

علق احد المستهترين بقدرات الشعب المصري، و هو مصري برضو بالمناسبة :

دنت بتِحلَمي يا ماما!!


و كان حلم "ماما سناء" ثورة كأجمل ما يكون، و هي الادت قوة الدفع و الزخم دا للربيع العربي ..
قريباً سيكتمل تساقط قطع الدومينو ..

و لسة الطغاة برددوا :

مصر مش تونس
ليبيا مش مصر و تونس
اليمن مش ليبيا و مصر و تونس
سوريا مش اليمن و ليبيا و مصر و تونس
اللخ اللخ هذا الخمج!!

هل امنتم مكر الله ام اتخذتم لديه عهداً!؟

في ربيع 1985 مارس - ابريل، كنا طلاب مدارس المتوسطات و وقود الثورة ..
كان الرصيف في البدايات بسخر مننا، و بسفه في صعودنا فوق الاحتقان، بخروجنا للشوارع
اكتملت لوحة الثورة بانضمام الرصيف ليؤطر حركة الشارع كأجمل ما يكون
و كانت ماريل الجميلة

انت قايل المافي شنو هو!؟


.

(عدل بواسطة قيقراوي on 11-28-2011, 08:58 AM)