|
الى الذين يهاجمون (تاجرات ومغتربات الامارات )بحجة الخوف على سمعة الوطن
|
استنكر امر ... الذين يتحدثون عن نساء بلدي الحبيبات ......
هجوم دون مبررات ..الا .... فيا اولي الالباب لو : الواحدة اتولدت ولقت نفسها في كنف والد ثري .....مورثها بيت حدادي مدادي بالصافيه
او كان صاحب مركز اجتماعي دخلها احسن المدارس ..احسن الاساتذة ..احسن الجامعات ...سواق يودي وعربية تجيب .....تسوق في اكبر المولات في احسن البلاد عيشة ورفاهية بمعنى الكلمة لما فكرت اصلا في حكاية تكون تاجرة لانها بصراحه حتحس بانها مهنة (بيئة جدا )او غير مناسبة ...حتفكر في دكتورة ..مهندسة او فنانة تشكيلية ....لانها بت برستيج اسنكر جدا شخص ما راودة حتى احساس زول ما لقى حتى حقو في الحياة الكريمة من ماكل وملبس ومسكن وتعليم ....حاول يجتهد بنفسو تجي الناس لك لك لك تقول ليك شرف خوفا من نظرة الناس النحن اغتربنا وهاجرنا في بلدهم بمفهوم بلدنا فقيرة وجينا ليهم نحسن وضعنا ....
يعني شنو شرف لزول اصلا ما قدر يتعلم وياكل تفتكروا ممكن يفكر كيف .... العبادة نفسها مربوطة بالامن من الخوف والاطعام من الجوع .....حتى السرقة حلال لزول جيعان عايز ياكل ...... لو واحد جاء ولاقى البنات التاجرات تاجرات الشنطة ديل في سوق نايف بدبي او مرشد شايلات في يدينمم اكياسهم وعرقهم بيتصبب كان حمد الله على القوة الهم فيها .... لو واحد فكر وتبصر مشاكلهم في الجري في الفنادق والبحث عن ارخص مكان لحمدالله على ماهو عليهو عجبت للذين يفكرون في قيم اصلا هم ما مسوها ولا دخل لهذا الكلام بها والغريبة يقحموها في القضية كدي فكروا اولا في الدواعي والاسباب البتخلي واحدة تسيب وظيفتها وامها واسرتها وتتكبد مشاق السفر وجري المطارات ومضايقات اصحاب النفوس الضعيفة والنوايا السيئة ..... واتمنى مايجيني زول هنا ويقول لي بشوهو سمعت بلدنا لانو بلدنا سمعتها لو اتشوهت بتكون من الناس المستقرة اصحاب القروض والشيكات المضروبة من الناس البغشوا البنات بالوعود الكذابة وتحت مسميات مختلفة .....سمعتنا بتتشوه من الرجال الكبار الكذابين البجرجروا البنات الى قهاوي الفجور وبعلموهن طرق الانحراف وبرضو تحت مظلات مختلفه سمعة البلد مشوة يمكن ؟بس اكيد ما من الجاي اصلا لتجارة وعلى قدر قدرتها شنطة او حتى البيشحدوا الناس شيلوا لينا موبايل او ديجتال او شنطة وزن معاك ..ديل ممكن نقول عليهم ما منظميين لكن ما عندهم علاقه بسمعة واشانة سمعة والحديث ذو شجون وبالتاكيد لنا عودة للكثير
|
|
|
|
|
|
|
العنوان |
الكاتب |
Date |
الى الذين يهاجمون (تاجرات ومغتربات الامارات )بحجة الخوف على سمعة الوطن | نعمات حمود | 10-02-11, 02:52 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | 3mk-Tango | 10-02-11, 03:20 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | نعمات حمود | 10-02-11, 03:41 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | نعمات حمود | 10-02-11, 03:20 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | حيدر حسن ميرغني | 10-02-11, 03:25 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | نعمات حمود | 10-02-11, 03:38 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | Nasr | 10-02-11, 04:10 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | ismeil abbas | 10-02-11, 05:11 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | نعمات حمود | 10-03-11, 02:54 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | نعمات حمود | 10-03-11, 02:45 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | سناء عبد السيد | 10-03-11, 03:24 PM |
Re: الى الذين يهاجمون (تاجرات ومغتربات الامارات )بحجة الخوف على سمعة ا | ندى صالح الطيب | 10-03-11, 04:19 PM |
|
|
|