حدث في السفارة السودانية بالدوحة

Quote: الاخ / محمد السلام عليكم ورحمة الله ومبارك عليكم الشهر الفضيل قرأت بوستك بتاع سفارة السودان في الدوحة فرجعت بي الذكرى الى الوراء الى عام 1998 عندما كنا نعمل في مجال النقليات اذكر انه كانوا يدفعون لنا ثلاثة مليون ونصف في الرحلة من بورتسودان الى الابيض وكان وقتها اسعار الترحيل عالية جدا نسبة لطفرة البترول ودخول الشركات الاجنبية الى البلد . المهم في الموضوع انه كي تصل الى الابيض فان مصاريف الجبايات والقلع فقط حوالي مليون وثلاثمائة الف فكنا ندفع رسوم عبور 320 الف ودمغة جريح ودعم الشرطة وكنانة والرهد ووو وكل ولاية تمر عبرها هنالك ما يسمى بدعم الولاية فانت عندما تتحرك من البحر الاحمر الى ش كردفان مثلا فانك تمر عبر ولايات كسلا ، القضارف ، الجزيرة ، سنار ، والنيل الابيض هذا غير المبالغ التى تدفع من دون ايصالات في رواكيب التفتيش وقدد عددنا في مدخل مدينة الرهد ذات مرة 12 راكوبة كل ما تطلع من واحدة يناديك بتاع التانية تمد ليه رزمة الاوراق يقول ليك انا داير ورق ملون ولو ما اديتو حقو مافي طريقة تمشي فدا كان الحال باختصار اطرينا في النهاية نبيع العربات ونسافر بجيك راجع بخصوص السفارة وموضوعات تانية بعدين ان شاء الله