نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
|
 Re: مقال جيد اخر لدكتور عبد الله على ابراهيم يحتاج للحوار (Re: طلعت الطيب)
|
العزاز : طلعت وعيدروس والبروف والقراء.
نعلكم عوافى
وانشاء اللة يا طلعت تقدر تحجز لهذا ( العصف والتداعى والتفاكر واستفزاز الساكن والراكد والمجمد والمحنط) و الحوارى:
مكانة حتى ولو ضل الدليبة اياها فى الربع الاخير من عام الناس هذا.
تعرف يا بروف الشافع الرد عليك دا المطموس ابننا- قريت ليهوا الجذء اللى يخصة من مداخلتك عالية فرد بالقول عن استفسارى ليهو
لية ما ناديتنى لتلفون عمو: فقال لى يا ابوى انا قلت اريحك من ( من اخبار البشير وسلفا كير والسفنكير والمسامير) فطبقت الضحكة طبقات
وانا لم افرغ من ماتحتوية ( ترب رابو ترب ربوا) من حمولات للضحك والاضحاك والتامل.
غايتو استاذنا المرحوم عبد الخالق كان يبحث عن لقمانيين حكيمن ولم يخطر ببالة وبالتالى لايدرى
انو فى سيدنى برضوا ممكن يتلقى مطاميس مناحيس ومساخيت يعروفون لغة الجن ويشمون معاهوا بخور التيمان - بالشب والشلاقة
او كما قال عرفة الشقا والشقاوة--.
عموما قلت ليهوا واللة بختكم لانو لو كان دا زمن السميناك عليهو كان طلع ليك ( الطرزمطش وصرف ليك كوباكة قديمة).
طبعا جذء من (الدقنية( التى ندفعها لهذا الجيل غير اننا نتكلم لغات مختلفة ونمط تفكبر متباين ومتقاطع
اننا مازلنا نعتمد عليهم كخبرا اجانب فيما يخص التعامل مع التكنولوجيا( فى حلاوة ثمرة الحنظل التى نعمت وتنعم بها يابروف -.
لكن ابشر حناكل من لالوبنا لمن ينجض تمرنا... او كما قالو!!!!!!).
----
العصف ( والتدافع ) الفوق من الاخوان عيدروس وطلعت والبروف والقراء من منازلهم غنى ومتعدد ويغوص بالتحليل والفكرة والراى فى موضوع
( التربية والتثاقف واعمال الذهن والعقل والتفكير ( الخارق/ نافذ) ) لمشروعين ظلا لردحا من الزمان متوازين ومتكاجرين ومتناحرين ومتباغضين
فى الحلال والمكروة وغيرة. والشاهد ان احد المشروعين ( بلاشفة الترابى) طلع حق عشاهوا وداخل على التحلية فى ( الجمهورية الثانية) .
بينما المشروع الغريم الموازى ( جهادى عبد الخالق) قد اصابة ما اصابة- من وعثاء السفر- ولم يجنى من ثمار مشوارة سوى التفتت والتهردم والتبعزق
وتاكل فى ترجيدوكوميديا تحنن الكافر والانس والجن معا.
قاعد اوضب لى فى سبيطة على امل ان يفوز طلعت فى مسعاهو قبل اغلاق النوافذ فى قصة بقادى التى تخاطب فيها وتشابك النهاية البداية-
وكل اول ليهو اخر كما لكل اخر اخر ثانى.
نواصل
تسلمو
هاشم سيدنى
29/9/11
|
|
 
|
|
|
|
|
| |
فيس بوك
تويتر
انستقرام
يوتيوب
بنتيريست