شعب عملاق تتقدمه أقذام: أخطأ الاستاذ محمود حين صدق العلم والتاريخ

Quote: للاسف الشديد يكون في ناس زييك في البورد ده لحدت هسه ويكون في زول عمروا اقل من 50 مباري لي زول فات السبعين سنة ونفس مضمون البوست ينبطق عليك يا شيوعي يا متخشب زمان لمن كانت في 1956 افكار عظيمة منها افكار محمود محمد طه نفسه وابراهيم بدري كان في اقزام زييك كده يقبحو فيها وفي اقزام لحدي الان تقبح فكر جون قرنق..وذى ما تبخس مشاريع ناس معاك في البورد ذى حزب الخضر او الحزب الليبرالي رغم انها موجودة في البورد وتحمل مشروع الدولة المدنية الفدرالية الديموقراطية يعني امتداد لمظاليم ازمة المنابر الحرة الممتدة من الاستقلال وماركس مات في القرن الثمن عشر وفكره ساد القرن العشرين وانت واحد من اسوا اقزام البورد لا وصلت مرحلة الحركة الشعبية...ولا حزبك المسوس قدم حاجة واتحداك انت وحزبك واحزاب السودان القديم اذا كان عندكم اي انجاز حقيقي من الاستقلال وطوف معاي السودان من الغابة الى الصحراء حتلقى حاجات الله والانجليزوعبود ونميري وبس وبعاعيت السودان القديم راجين ايدولجيات ماتت حتى في بلد المنشا عشان شنو ولاية افقيه بتاعة حزب الامة ماتت في ايران ونجاد ده اخر زول الاخوان المسلمين طبعا كان شعبي او مؤتمر خلاص بقو في خبر كان والبعثيين طبعا صدام وراح وسوريا في الطريق والسلفية نهتا طاش ما طاش واذا صحيت من سكرة الشيوعيين الغبية بتاعتك ودي وعايز تركب اكسبريس اللبرالية السريع اتجه معانا جنوبا تنزانيا غانا جنوب افريقيا السنغال وبالعكس وان شخصيا بكره بوستات الشيوعيين لانها غوغائية وشللية وبكرر ليكم تحررو الهامش الثاني بالانتخابات ولى ناكل باسطة والشعب لا زال عملاق يتقدمه اقزام وانت اسؤاهم على الاطلاق وجزء من الازمة الفي البورد علي الاقل انقد نفسك شوية وسلام

Quote: ناهيك عن مشاريع الجيل الصاعد حزب الخضر لامنةمختار والحزب الليبرالي لعادل عبدالعاطي

و اعتراضي عليه بـ :

Quote: شنو قصة [حزب الخضر لامنة مختار .. و الليبرالي لعادل عبد العاطي] دي!؟ دي بقالات و لّ شنو لصاحبها فلان الفلاني دي!؟ و لّ سباحة ضد تيار البوست دا!؟ و حلب للتور؟ تاني رجعنا لفكرة القطيع البهشو راعي واحد احد دي!؟ حليلو قبلو!! اها النقد المابينو ناس السودان القديم دا تراهو شارع ذو اتجاهين .. ماشي و جايي نشوف جكتك انت عاد، بتقبلو و لّ بتديهو البحر زيهم!

الظاهر (النقاد) الزيك ديل لازم يجسروا ليهم!!

وجه اعتراضي انو تربط الحزب - و يعني بالطبع حزب الخضر اكتر- بفرد واحد أحد!!؟
فهمت و لّ لسة!؟

و انا تكلمت سابقاً - في نفس البوست دا- عن :

Quote: عاوز اثبت نقطة اوحت لي بيها مداخلاة الاستاذ/ هشام المجمر .. و بعض ما اشرت ليه انت و من العنوان.. بعد مصرع الرجل الممتاز .. لسة نحن في انتظار القائد الملهمو المسيح؟ الثورة المعلوماتية التكنولوجية دي ما غيرت في فهم القيادة ذاتها!؟ و اساليبها؟ ما دام بنتكلم عن رفاهية شعب .. اماني و تطلعات .. آمال و آلام .. ليه ما نلغي الفكرة التقليدية للقيادة من اساسو؟ او اقلو نركن لفكرة القيادة من الخلف .. باستلهام اشواق الشعوب دي .. مش الهامها وتلقينها!ابلغ دروس ربيع الشعوب العربية -في تقديري- بعد سقوط جدار الخوف كتمثل لجدار برلين و انفراط المنظومة الاشتراكية هي سقوط الايدلوجية .. الوطنية ..القومية و بلا بلا بلا .. نحو اممية انسانية و استشراف افق الحريات و الحقوق لحاقاًو مواكبة لشعوب فايتانا بكمين سنة ثورية .. و ميتين سنة ضوئية انسانية!

اعد يا اللخو .. اعد شديد!!

و اعفينو من هراءك بخصوص الانتخابات و الحشو البتعمل فيو دا ..
ما بشتري بضاعة بالهيافة دي و الله!! .. عندي بضاعة تخصني تماماً .. بضاعتكم ردت اليكم في ي ي مسماها!
و كل زول عاجبو الصارو
المافي شنو هو!؟




----------

بعدين موت الايدولوجيا دا قلت بيهو قبلك .. بما فيها الشيوعية الجايي تزمني بيها دي ..
بل متبني " ما بعد الايدولوجيا " عدييييل
فا شنو؟
كويت البحر في صرتو!!