عندما يتفوه بعض الأعضاء هنا بعبارات عنصرية، ماذا يمكن أن نوصفهم؟

Quote: الأخت رشا احمد سلامات وتحايا وكل سنة وانتي طيبة طبعاً صمنا وفطرنا ودينق ياهو دينق لم يتطور البتة.. اوعدك اني نهائي ما بخرج عن طوري بس شغلي كربجة المدعو Deng هذا الصبي الجنوبي المدلل واعملي حسابك يارشا هسع طلعتي زولة فارة ساي وما تقري ومحتاجة معرفة ودا عشان ما جيتي شكرتي ضينق بكرة بيطلعك جلابية وعنصرية واقصائية وانا في وانتي في :)

وبالنسبة للعنصرية: ممكن جداً الواحد يكون عنصري وهو نفسو ما ناقش انوعنصري .. وأخشى انو دينق نفسو يكون منهم... الناس و الإعلام بيسلطوا الضوء بس على عنصرية الشماليين تجاه الجنوبيين و ما منتبهيين لي عنصرية الجنوبيين تجاه الشماليين ! أنا نفسي ما كنت متوقعة حاجة زي دي لو ما شفتها بي أم عيني في حافلة جنوبي قاعد مطرف و الكرسي الجنبو على الشباك فاضي .. أنا قلت يمكن ماعايز الشمس عشان كدا مطرف .. و كل ما الحافلة تقيف تشيل ركاب هو ما بتزحزح .. حتى لكبار السن .. وطبعا الناس عايزه تقعد بسرعه فبيقعدوا في كراسي النص قبل ما الحافلة تتحرك عشان ما يقعوا .. لما دخل ولد جنوبي صغير .. والله اصغر من القاعد .. طوالي صاحبنا زحف وقعد جنب الشباك عشان يخلي ليهو المقعد .. ! دي عينة واكيد في كتيير .. صراحة العنصرية بغيضة ومرفوضة في كل الأديان .. لكن النفس أمارة بالسوء .. في تعريف للعنصرية انها تحيز لدين .. تحيز لحزب .. تحيز لفهم معين ..تحيز لجنس و عرق معين .. بالتعريف دا حنكون كلنا عنصريين..

_____________________________

قلت لي فارة .. لا ياخ .. ما تصطاد في الموية دي ... دينق قال لي اتجاه واحد .. يعني عسكري .. بني آدم برضك مش فاره ..

طيب ما في حاجة أحسن ... طيرة مثلاً (الله يكرمناويكرمكم)