|
Re: خيبة أمل الصفيراب في الأمل ( شوفو الأهداف ) (Re: ابراهيم الصغير)
|
شكرا اخى ابراهيم على المرور اهديك ( فى سلك)
بسم الله الرحمن الرحيم في السلك الامل والمؤملين عليهو * امس بعون الله * وبفضل منه * قضينا علي الامل وعلي المؤملين عليهو * اجمل مافي المباراه * انو الامل جاهو امل بعد ان تعادل * والمؤملين في الامل جنوا * ظنوا انو (القيم ) انتهي * نسوا ايدكو * وناس الامل نسوهوا معاهم * الاخوه الاهله الاشقاءالاشقياء( وهذا قدرهم ) * كانت عندهم ندوه ثقافيه في ناديهم (بيت زرقان ) * ثقافه علي ضفاف الكسبره والشمار * يتثفوا بالشمارات * ولما تعادل الامل * تركوا الثقافه * والقيافه * ورقصوا بكثافه * واذا بايدكو يحول الرقصه الي (اسلو ) * كل واحد من الجماعه حضن واحد ورقدوا واطه * شئ تشجنج * وشئ هضربه * وشئ غيبوبه * واحدين قاموا جاريين * ايها الاخوه الاشقاء الاهله * قلنا ليكم المريخ ده بخلي المجنون يهبش والعاقل يطقع * كان اخير ليكم تنتهي تلاته صفر * لكن بعد ما الامل اداكم امل * بقت احلي * وهو في حلاوه الذ من نلقاكم مننطين عيونكم والحساده مولعه عيونكم جمر ؟؟؟؟ * ياحاسدين غرامنا * المهم * ساكواها تاني سواها * اربعطاشر مره سواها * وايدكو قضي علي الازرق واليابس * ايدكو كده جاب كم قون؟ * قلت لي كنج كونج جاب اولادو ؟؟؟؟؟ * قالوا سادومبا ينافس ساكواها * وهو ايدكو الجانا امس ده اظنوا لحق سادومبا * ولحق ناس سادومبا امات طه * اتأملي * في قون ايدكو * لكن ياتو قون فيهم ؟؟؟؟؟؟ * في قون رمضان * لكن اقوان رمضان بتاعت ايدكو ماكتاااااار * ياتو فيهن * بعد الكوره سألت هلالابي * قلت ليهو احلي قون ايدكو التاني ولا احلي قون ايدكو التالت ؟؟؟ * قال لي ايدكو الجن ده جبتوهوا من وين ؟؟؟ * قلت ليهو جابو العقيد صديق علي صالح * شكرا سعادة العقيد * وتاني جيب لينا واحد * هلالابي زعلان قال لي ايدكو قدر عربية النفيايات * قلت ليهو العربيه عندنا وقروش النفايات عندكم * غايتو ياهلالاب * اقوان ايدكو ديل * واحد فطور * وواحد سحور * واتسحري * ايها الناس * قلنا ليكم مباراة الامل هي مباراة البطوله * مبروك علينا الممتاز مع احترامنا للباقيين * لكن اتمني ان يكون الامل كذلك طوالي * واتمني ان اجد الامل في مباراة الجماعه مصرا علي الفوز * واتمني ان تقتنع القاعده الرياضيه بان الامل يلعب لنفسه فقط * واتمني ان يكسب الامل كل مبارياته المتبقيه بالذات داخل عطبره * واتمني ان لاتنتهي صداقة ناس رمضان والرشيد بالامل * ماممكن علاقه زي دي تنتهي بمجرد احراز ايدكو للهدف الثالث لفريقه والثاني له * علي اليمين القون التاني * حلف النيتو مايضربها بالقوه دي * صديق علي صالح * عافي منك يا اخوي * ايها الناس * الجماعه بقوا ناس ثقافه سااااااااااااي * تاني رجعوا للندوه * بقروش النفايات * بالفي * بالمافي * السنه دي اقلبوهوا ثقافي * اسلام قالت لي الكوره وين ؟؟ * قلت ليها في الشرق * قالت لي في همشكوريب ؟؟؟؟ * قلت ليها يابت نحنا بتاعين همشره وكريب كمان ؟؟؟؟؟ * ايها الناس * كانت مباراه صعببه جدا * ولكنها ممتعه * واحد قال لي كوره تلاته ساعات ؟ * قلت ليهو الكوره دي لاعبه عشره يوم * تلاته ساعات شنو * المهم * قضينا علي آخر امل * وعلي كل المؤملين عليهو * اتأملي * شفت المريخ ده جميل كيف ؟؟؟؟ * تاني اتأملي * ايها الناس * دي تصبيره * بكره الكلام سلك كهربا ننساك كيف والجماعه ايدكو رقصهم ( اسلو) والي لقاء سلك
|
|
|
|
|
|
|
العنوان |
الكاتب |
Date |
خيبة أمل الصفيراب في الأمل ( شوفو الأهداف ) | هجو الأقرع | 08-07-11, 00:23 AM |
Re: خيبة أمل الصفيراب في الأمل ( شوفو الأهداف ) | هجو الأقرع | 08-07-11, 00:41 AM |
Re: خيبة أمل الصفيراب في الأمل ( شوفو الأهداف ) | OSMAN SAYED MOHAMED | 08-07-11, 02:57 AM |
Re: خيبة أمل الصفيراب في الأمل ( شوفو الأهداف ) | هجو الأقرع | 08-07-11, 03:05 AM |
Re: خيبة أمل الصفيراب في الأمل ( شوفو الأهداف ) | محمد البشرى الخضر | 08-07-11, 06:21 AM |
Re: خيبة أمل الصفيراب في الأمل ( شوفو الأهداف ) | Hassan Senada | 08-07-11, 06:40 AM |
Re: خيبة أمل الصفيراب في الأمل ( شوفو الأهداف ) | هجو الأقرع | 08-07-11, 11:37 AM |
Re: خيبة أمل الصفيراب في الأمل ( شوفو الأهداف ) | هجو الأقرع | 08-07-11, 11:41 AM |
Re: خيبة أمل الصفيراب في الأمل ( شوفو الأهداف ) | البحيراوي | 08-07-11, 12:01 PM |
Re: خيبة أمل الصفيراب في الأمل ( شوفو الأهداف ) | abas | 08-07-11, 12:09 PM |
Re: خيبة أمل الصفيراب في الأمل ( شوفو الأهداف ) | ابراهيم الصغير | 08-07-11, 12:26 PM |
Re: خيبة أمل الصفيراب في الأمل ( شوفو الأهداف ) | هجو الأقرع | 08-07-11, 07:32 PM |
Re: خيبة أمل الصفيراب في الأمل ( شوفو الأهداف ) | هجو الأقرع | 08-07-11, 07:38 PM |
|
|
|