لوكْ القرَضَة يا ريِّس!

والجرسة شن جايبة
ها دي قصةً خايبة
ما كلّكم عارفين
الطريق بودّي لوين
عارفين عقب حارة
لكنكم ماشيين

ما هذا البكاء ذاك العويل
والنيل عليه السلسبيل
وشيطانّا بس عامل لُه ديل
والكلّ ما لاقي الدليل
يلعن أبوه السلسفيل
والفيل بغنّي في السبيل
خطفوني ليه ليه
أنا ما ...
--
يا ريّس لوك القرضة
شوف شغلك
إت جبناك شان حُبّ الله
ما حبّ البشر مروادك
كفاية المرقو ذاتهم لسّا للّيلة ولي بكرة بيْعِِزُّوك
وكان جات الحارة هم بفدوك
ما مهم يحبّوك ديلا أو يحروك
مهم حقّ الله بقّ الله ويساندوك
--
شن عندكم غير البكا وداك النويح
--

لم تكن مرثيّة الوطن
كثرت مرثيات الوطن
الوطن لم يمت
ولن يموت
لأنّ له الخلود
وسيأتي مطالباً بحقّه يوم الخلود
وهو ليس يوماً للطم الخدود
وإنّما حتى الأخدود
يومها حقّه يسود
-
أرضُنا ولود
وربُّنا ودود
سينصف الأخدود
وترتفع سدود
لن ينجو الحسود
قطّ لن يسود
ذلك الحقود
لأن عين الحسود دوماً فيها عود
ألم يخطر ببالكم أن الله أراد
لنا بوطنينا أن نسود
وخربانة أم قدود
إن شاء الله عجبك
كلامي يا أسد القردود
--

الوحدة وللا الانفصال
كان شي عجيب لا بشيلنه الجبال
ولا بحملن شيله الجمال
وحملها السودان شمال
ما قال وقال
ولا حظّه نال
ولا جبرتوه استقال
العاصفة قال
لازم تمر
مهما كان في ثورتا
داك المحال
لكن بعد حيقولوا يوم مافيش محال
لأني داك الجمل اللي شال
لي حاجة ما تشيلا الجبال
وحملها الإنسان
اللي يوت وصف ضمن الجهال
كمان هنا الإنسان اللي وصف بأنه ظلوم لحال
وحاله وحال
مهما ردح وشال فصال
باكر بيعرف إنه ارتحاله دا شي محال
والانفصال مهما كان سلس ما ياهو حال
دون الولف والاتصال
والفورة دي فيها الزبد دا الحين يزال
واللي بقى بس البينفع بلال
وأولاد زلال
والولد العاصي لازم ينال
لجزاه بالعدل الحلال
من دون فصال
أو اختلال
لي أمنه أو رزقه الحلال
واللي رادوه ليك إت يا بلال
داك القتال
شان تقرضو كدا كلّكم من دون منال
لكنكم في عقلكم فتو الجهال
والباقية دي لسّاتا هي جنة بلال
والفات دا كلّه ما نضال
شوف ليك تاني درب نضال
من دون تختّ ديك النصال على النصال
شوف الطريق جق الصبر هدّ الجبال
ماهو انفتل فتل الحبال
مهماه لكّ ولكّ داك طين الخبال
في المثل قالوه دا اللي بصبر بنال
مهما قال وقال بنشقّقه داك القنال
والموية وكتين تجري زي موية زلال