|
Re: هيئة قيادة توحُّد ، في إطلالتها الأولى: بيان إستثنائي في يوم إستثن (Re: صديق عبد الجبار)
|
صديقي العزيز كابتن صديق.. حبابك كتر خيرك.. و كدت ان قول مقولة كردفانية تقول ( شوقنا للمرقة أم دهن)..! لا اريد أن احبطك يا صديقي..و لكن هذه اماني اقصر من التوقع..كيف؟
أولآ: ازاحة النظام..و هذه قد يفهم البعض ( و انا منهم طبعا) باننا نريد أن نمارس لعبة استغماية جديدة..يعني ازاحة قناع بقناع اخر..قلتها اليوم اكثر من مرة..و ارددها هنا (و لك ان تقيس كمية المغص و الغيظ).. نحن كشعب سوداني فشلنا في الحفاظ على الوحدة..و الأخطر فشلنا في عدم المقدرة للتعرف على لماذا ذهب الجنوب..الإنظمة منذ الإستقلال قاعدة تتغير يا صديق.. يعني التغير الجاي ح يكون فرقو شنو من التغيرات الماضية؟.. المحك هل نريد تغير النظام.. ام المطلوب تغيير طريقة تفكيرنا نحن كشعب؟.. ثانيا: بخصوص الطمأنة..و دي قاسية يا صديقي.. لأن البعض قد يفهمها ( و انا بالطبع منهم) انو لسع في جماعة هناك حريصة على أنو يكون ليها النصيب الأوفر من السيطرة..و انو كل البتقدر عليهو انها تقدم وعود..و هذه حيلة مجربة في الستين سنة الماضية.ز يعني الناس طوالي عندها القدرة أن تبث طمأنة لبعض الناس..طيب ياخي ما تخليهم يكونوا جزء من العملية نفسها.. يصنعوا القرار و يسوطوا زي ما التانيين قاعدين يسوطوا..و لآ الناس لسع مصرة على فكرة الوصاية و الهيمنة؟.. نعم من حق البعض ان يمارس ذلك.. لكن الواقع تجاوز هذه الأمور..يعني الصادق المهدي يحذر من انتصار ثورة الهامش..و توحد كل البتقدر عليه تبث تطمين؟..ياعالم..! ثالثا: فكرة التأسيس و اعادة التأسيس..و هذه فكرة جيدة و متماسكة للغاية..لكن فيها عيب واحد..يعني ناس الهامش ديل مافي زول مستعد يسمع هم منو و دايرين شنو بالضبط؟..احترام حقوق الإنسان يا ناس توحد اكليشهية مسهوك و مبروط..و قديم للغاية..و هو يستخدم للموالاة العاطفية (زي ما ناس الجبهة الإسلامية بتستخدم الدين)..و ليس في ذلك عيب.. لكن العيب..هل هناك احتمال انو بعض من ناس الهامش وصلوا لقناعة انو صرف الكلام لا يحل قضايا؟.. التأسيس ممكن يكون مفيد.. لمن يكون تحتاني..و يجعل من الفرد يقدر يفهم عذابات الفرد الآخر بحق و حقيقة..و يقدر يصل لقناعة ليه الجنوب مشى..! كنت افضل أن تقدم لي توحد مسودة دستور و نقعد نتغالط فيهو.. بدل أن تصرف لي نقة لا بتودي ولا بتجيب (نعم نبرة قاسية.. لكن اخير يسمعوا الكلام البيبكيهم من الكلام البيضحكهم)..! اها يا ناس توحد.. انا فرد من غرب السودان.. هل انتم على استعداد لإقناعي بالوحدة مع السودان الباقي؟..اقول بذلك لأن اعادة توحيد السودان شعار رومانسي..و لن يتحقق في الخمسين سنة الجاية.. لكن المحك.. هل يمكن أن نحافظ ما تبقى من كيان؟..لو الناس دايرة تستعمل العاطفة.. صدقوني الوطن الباقي ح يتفرزع.. اما لو الناس داير تكون عاقلة.. فهناك بصيص امل نحافظ على الكيان الباقي..! و دمتم.. كبر
|
|
|
|
|
|
|
العنوان |
الكاتب |
Date |
هيئة قيادة توحُّد ، في إطلالتها الأولى: بيان إستثنائي في يوم إستثنائي! | صديق عبد الجبار | 07-09-11, 08:10 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 08:47 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 09:01 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | مريم عزالدين صديق | 07-09-11, 09:23 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 09:27 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | قيقراوي | 07-09-11, 09:08 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 09:15 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 09:23 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 09:44 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 09:50 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 09:57 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 10:01 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 10:04 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 10:17 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | Kabar | 07-09-11, 10:14 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 10:40 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 12:06 PM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 02:06 PM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 06:55 PM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-09-11, 08:12 PM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-10-11, 07:57 AM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-10-11, 07:58 PM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | Abdel Aati | 07-10-11, 09:21 PM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-10-11, 09:47 PM |
Re: هيئة قيادة توحُّد ، في إطلالتها الأولى: بيان إستثنائي في يوم إستثن | صديق عبد الجبار | 07-12-11, 08:23 AM |
|
|
|