|
|
 Re: سلمى الموسوس (Re: ود الخليفه)
|
ذكرتنى رسالة الأم المسطولة الى ولدها
ابني العزيز
أنا بخير هنا انشا الله انت تكون كويس هناك بكتب ليك الرساله دى براحه لأني عارفه انك ما بتقرا سريع
...
:
أبوك قرأ في الجريدة أن أكثر الحوادث العرضية تقع على بعد 20 ميل من بيتنا عشان كدا رحلنا لبيت جديد ابعد من بيتنا القديم 20 ميل ما بقدر ارسل ليك عنوان البيت الجديد عشان الزول الاشترينا منه البيت شال عنوانه معاهو ما داير يغيرو ونحنا في الأسبوع الجاي حنجيب عنوان بيتنا القديم عشان كدا عنوانا ماحيتغير . . . .
الجو هنا كويس المطره صبت مرتين فى الأسبوع الفات المرة الأولى استمرت تلاته ايام والمرة التانية استمرت أربعه ايام.
عمتك قالت ليك ما حتقدر ترسل ليك الجاكيت القلته عايزو بالبريد لانو تقيل عشان زرايرو حديد عشان كدا قطعت الزراير وختتا فى جيب الجاكيت . . . . . .
أبوك أشتغل شغله جديدة وشغالين تحته 500 عامل بحصدوا الحشيش القايم جنب المقابر. . . . .
أختك ولدت الليله الصباح بس ماعارفه جابت شنو و لد ولا بت عشان كدا ما عارفه حتبقى خال ولا خاله
عمك خالد وقع في البير وكان فى رجال حاولوا يطلعوا لكن قاومهم بكل شجاعة وغرق . بعد داك حرقناهو النار مولعه فيهو ثلاثه أيام وما نشف لأنه مرطب
أبو اعز اصحابك وهو بيموت طلب من صحبك عمر انو يدفنه فى نص البحر لما يموت. ومشى عشان يحفر القبر لى ابو قام غرق ومات
بتتذكر يوم كنا بنسطل سوا وقلتا لي أمي أنا بحبك؟؟؟؟ وقلتا ليك وقتها خلي علاقتنا صداقة بس ..... كانت أيام حلوة
....
خلاص مافى شى جديد دا كل العندى
...
أمك.
ملاحظة: أنا كنت دايره ارسل ليك القروش بس ما اتذكرت إلا بعد ما قفلت الظرف
|
|
 
|
|
|
|
|
| العنوان |
الكاتب |
Date |
| سلمى الموسوس | ود الخليفه | 07-06-11, 12:56 PM |
| Re: سلمى الموسوس | ود الخليفه | 07-06-11, 01:02 PM |
| Re: سلمى الموسوس | ود الخليفه | 07-06-11, 01:18 PM |
| Re: سلمى الموسوس | حسام عبد الرحيم | 07-06-11, 01:42 PM |
| Re: سلمى الموسوس | Abureesh | 07-06-11, 01:59 PM |
| Re: سلمى الموسوس | ود الخليفه | 07-07-11, 05:03 PM |
| Re: سلمى الموسوس | ود الخليفه | 07-07-11, 05:06 PM |
| Re: سلمى الموسوس | محمد إبراهيم علي | 07-07-11, 05:25 PM |
| Re: سلمى الموسوس | Abureesh | 07-07-11, 06:17 PM |
| Re: سلمى الموسوس | ود الخليفه | 07-28-11, 11:06 PM |
|
| |
حسام عبد الرحيم
فيس بوك
تويتر
انستقرام
يوتيوب
بنتيريست