|
Re: شباب لأجل التخريب ( شرامة ) !! (Re: معاوية عبيد الصائم)
|
يا معاوية عليك الله روق وأسمع كلامي دا بالراحه واقراه اكتر من مره
غايتو أنت وحظك كان الناس ديل جلو الموضوع دا بختك واتمني يجلوه ويعذروك ويفهموك زي ما بنفهمك
معاوية يا أخوي رغم أنو البوست انحذف والحمد لله ودي سلامة حقو تحمد الله عليها وبارك الله في بكري لكن خلي بالك احتمال البوست يكون اتصور ودي حاجة متأكد منها
![dfgfdgdf.JPG Hosting at Sudaneseonline.com](http://www.sudaneseonline.com/uploadpic11/june/dfgfdgdf.JPG)
يا معاوية كلامك المظلل دا ممكن يتفهم منه انك عارف مصدر الهكر وممكن يتفتح بلاغ عادي وتنقبض ومافي حاجة بتحميك والسلطات السعودية بتحارب الهكر والعالم كله وممكن يعتبروك خيط للقبض على الهكر يا معاوية العالم كله بحارب الهكر حتى في امريكا زاته اكتر دوله بتحارب التهكير وعندها قوانين رادعة اكتر من السودان ومافي عاصم في الدنيا دي للهكر ولو لقيت مخارجة من كلامك دا ممكن يتشربكو فيك بي الاتهامات المتهمم بيها
Quote: ومع حق الشباب ديل فى اختيار ادوات الحرب مع النظام
|
يا معاوية يا أخي ما سمعت في الاخبار بالاتهام بي استخدام الاسلحة المحرمة دوليا في الحرب
يا أخي حتى السلاح في نوع محرم دولياً في الحرب
التهكير مرفوض وممنوع ومحارب من كل العالم ومافي زول عاقل ممكن يؤيد التهكير عشان كدا دايما الهكر بكونوا متخفين وبدسوا خوفاً من العقوبات ومن سخط الناس لانو التهكير شيء غير مشرف وعمل لا يفتخر بيه ولا يشرف الهكر عشان كدا بتخفى
Quote: بعدين النظام يا مولانا مؤجر عمارة من 4 طوابق فى الرياض للهكر المتخصص من الجنسية الهندية
|
لنفترض صحة الكلام دا رغم أنو التهكير هسع يا معاوية بقى ما محتاج متخصصين كله دورة 12 ساعة لو خبرتك في الكمبيوتر متوسطة وتبقى هكر لو النظام دا عنده الامكانيات دي ما تبقى ماسورة راشه رش الجن وخسرانين معارضين النظام قول لي كيف ؟
اتخيل يا معاوية جيت يوم خاشي موقع الراكوبة لقيت كل عود في مكان اخر تشيلع وكل جهدك طار ولقيت كلام بي اسم شباب التغيير ديل قالوا الراكوبة دا موالي للحكومة الهكر هو الجماعة القاعدين في عمارة الرياض ديل تتخيل احساسك حايكون شنو
اتخيل نفسك يوم جيت خاشي سودانيزاون لاين لقيت نفسك فاتح ليك بوستات بتنبز في اعز صديق ليك والزول البنز بي اسمك دا من ناس الرياض حا تسوي شنو واحساسك شنو
كدي يا معاوية اقلب الحكاية دي من جهه تانية واتخيل نفسك ماسك ضنب ككو والهاجم الموقع دا من ناس الرياض عشان يكره الناس في شباب التغيير ديل لانو مافي زول ممكن يؤيد الأسلوب دا .... إلا انت جيب لي زول عاقل كدي يؤيد لينا الاسلوب دا
يا معاوية أنت فقدت ناس أعزاء في المنبر دا قبل فترة والسبب كان فتنة من الهكر نجح في خبث في عملها واتسبب في توقف عدد من الاعزاء مازلت تتشوق لعودتهم وكله دا بسبب الهكر
يا معاوية لو منك اجري بقدر الامكان اجيب نفي من شرارة للتهكير دا عشان الناس تحافظ على أحترامهم ليها ودي قصدك ومبتغاك وانا متفهمه لكن غيري ما متفهمنه
|
|
![Edit](https://sudaneseonline.com/db/icon_edit.gif)
|
|
|
|
|
العنوان |
الكاتب |
Date |
شباب لأجل التخريب ( شرامة ) !! | عصام دهب | 07-06-11, 09:08 AM |
Re: شباب لأجل التخريب ( شرامة ) !! | عصام دهب | 07-06-11, 09:19 AM |
Re: شباب لأجل التخريب ( شرامة ) !! | عصام دهب | 07-06-11, 09:32 AM |
Re: شباب لأجل التخريب ( شرامة ) !! | عوض محمد احمد | 07-06-11, 09:32 AM |
Re: شباب لأجل التخريب ( شرامة ) !! | علاء الدين يوسف علي محمد | 07-06-11, 09:44 AM |
Re: شباب لأجل التخريب ( شرامة ) !! | عصام دهب | 07-06-11, 10:05 AM |
Re: شباب لأجل التخريب ( شرامة ) !! | Saifeldin Gibreel | 07-06-11, 10:13 AM |
Re: شباب لأجل التخريب ( شرامة ) !! | عبدالعزيز حسين عبدالرحيم | 07-06-11, 10:25 AM |
Re: شباب لأجل التخريب ( شرامة ) !! | Saifeldin Gibreel | 07-06-11, 10:35 AM |
Re: شباب لأجل التخريب ( شرامة ) !! | عصام دهب | 07-06-11, 02:48 PM |
Re: شباب لأجل التخريب ( شرامة ) !! | عصام دهب | 07-06-11, 10:34 AM |
Re: شباب لأجل التخريب ( شرامة ) !! | عصام دهب | 07-06-11, 11:13 AM |
Re: شباب لأجل التخريب ( شرامة ) !! | معاوية عبيد الصائم | 07-06-11, 11:53 AM |
Re: شباب لأجل التخريب ( شرامة ) !! | عبدالعزيز حسين عبدالرحيم | 07-06-11, 02:42 PM |
Re: شباب لأجل التخريب ( شرامة ) !! | عبدالعزيز حسين عبدالرحيم | 07-06-11, 02:47 PM |
|
|
|