|
Re: يسافــر .. ويرجع .. علي كيفـووو .. (Re: الأمين عثمان صديق محمد)
|
سلام يا تمبس،
الرواية الرسميـة لقصـة الطيـارة دى ما بشتريها لو بقت بتعريفـة.
اهلنا ديل بطنهم غرييييقة ويغررررقوا للزول، وما نسوا إستقال دالام فى واشنطون.. ونحن بقينا حجارة الناس تجدع بينا بعضها لما تتشاكل.
وامريكا لم تكن تنوى إعتراض الطائرة وإعتقال من فيها.. ولكن هدفها كان عرقلة لقاء البشير بالرئيس الصينى.. ولابد ان الصينيين لعبوا دور كبير فى وصول البشير اليهم، واقمارهم متلفزة الكرة الأرضية (لايف) ولما تم اللقاء الطائرة رجعت عادى ما فى زول إعترضهـا. إذا هدف امريكا كان عرقلة اللقاء فقط.
مع الاسف يا تمبس، لو الأمريكان دارو فعلا إعتقال الرئيس و قرروا ذلك لأى سبب، فيستطيعوا إرسال بوليس للخرطوم ويجيبوه.. إتذكر ضربة الشفـا اللى وزير الدفاع ما عرف جات من وين.. صاروخ يتضرع فى سماء السودان الاف الكيلومترات لحد ما يصل العاصمة ووزارة الدفاع ما تشوفو ولا تميز هل صاروخ واللا طيارة.. خلوها مستورة. وبورتسودان البقت ملطشـة إسرائيل، وعندنا قاعدة للدفاع الجوى هناك، وهى قاعدة تعمل شنو ما تعرف.. قاعدة ساكت.
انا ما فرحان لأنو الرئيس لا يستطيع حضور الجمعية العمومية للامم المتحدة لعدة سنوات، ولا لإلغائه سفرياته المعلنة ليوغندا وجنوب افريقيـا....الخ.. ولن افرح يوم اسمع انه فى لاهاى، ليس لأننى ضـد العدالة أو ضـد المنظمات الدولية، ولكنه احزن لضعفنا نحن السودانيين الذين عجزنا ان نحل مشاكلنـا بأنفسنـا.
المعارضة أعلنوها عديل.. هدفهم قتقسام السلطة والثروة.. يعنى موضوعهم قروش وكراسى.. وديل بكدا اخير منهم الإنقاذ.. جد.. بهمجها ورمادها دا.. وبدا المعارضة لن تصل الى اى شئ ولا اريد حرف البوست عن موضوعـه.
|
|
|
|
|
|
|
العنوان |
الكاتب |
Date |
يسافــر .. ويرجع .. علي كيفـووو .. | tmbis | 07-02-11, 09:45 AM |
Re: يسافــر .. ويرجع .. علي كيفـووو .. | ود الباوقة | 07-02-11, 09:47 AM |
Re: يسافــر .. ويرجع .. علي كيفـووو .. | tmbis | 07-02-11, 09:54 AM |
Re: يسافــر .. ويرجع .. علي كيفـووو .. | tmbis | 07-02-11, 10:00 AM |
Re: يسافــر .. ويرجع .. علي كيفـووو .. | tmbis | 07-02-11, 10:17 AM |
Re: يسافــر .. ويرجع .. علي كيفـووو .. | د.نجاة محمود | 07-02-11, 10:33 AM |
Re: يسافــر .. ويرجع .. علي كيفـووو .. | صبري طه | 07-02-11, 10:41 AM |
Re: يسافــر .. ويرجع .. علي كيفـووو .. | Tabaldina | 07-02-11, 10:45 AM |
Re: يسافــر .. ويرجع .. علي كيفـووو .. | فايزودالقاضي | 07-02-11, 11:06 AM |
Re: يسافــر .. ويرجع .. علي كيفـووو .. | الامين موسى البشاري | 07-02-11, 11:27 AM |
Re: يسافــر .. ويرجع .. علي كيفـووو .. | tmbis | 07-02-11, 11:28 AM |
Re: يسافــر .. ويرجع .. علي كيفـووو .. | tmbis | 07-02-11, 11:38 AM |
Re: يسافــر .. ويرجع .. علي كيفـووو .. | tmbis | 07-02-11, 11:52 AM |
Re: يسافــر .. ويرجع .. علي كيفـووو .. | الأمين عثمان صديق محمد | 07-02-11, 12:07 PM |
Re: يسافــر .. ويرجع .. علي كيفـووو .. | سيف اليزل الماحي | 07-02-11, 12:20 PM |
Re: يسافــر .. ويرجع .. علي كيفـووو .. | Abureesh | 07-02-11, 12:52 PM |
Re: يسافــر .. ويرجع .. علي كيفـووو .. | فايزودالقاضي | 07-02-11, 01:16 PM |
|
|
|